ന്യൂഡല്‍ഹി: ഡല്‍ഹി മുഖ്യമന്ത്രി രേഖാ ഗുപ്തയ്ക്ക് നേരെ നടന്ന ആക്രമണത്തിന് പിന്നാലെ ഡല്‍ഹിയില്‍ പുതിയ പോലീസ് കമ്മീഷണറെ നിയമിച്ച് ആഭ്യന്തരമന്ത്രാലയം. ഐപിഎസ് ഉദ്യോഗസ്ഥനായ സതീഷ് ഗോല്‍ച്ചെയാണ് പുതിയ പോലീസ് കമ്മീഷണര്‍.
.webp)
1992 ബാച്ചിലെ ഐപിഎസ് ഉദ്യോഗസ്ഥനായ ഗോല്‍ച്ചെ നിലവില്‍ ഡല്‍ഹിയിലെ പ്രിസണ്‍സ് ഡയറക്ടര്‍ ജനറല്‍ ചുമതലയാണ് വഹിക്കുന്നത്. ഓഗസ്റ്റ് 21 മുതല്‍ സതീഷ് ഗോല്‍ച്ചെയെ പുതിയ പോലീസ് കമ്മീഷണറാക്കി ആഭ്യന്തര മന്ത്രാലയം ഉത്തരവിറക്കി.
1988 ബാച്ച് ഐപിഎസ് ഉദ്യോഗസ്ഥനായ എസ്ബികെ സിങ്ങിന് പകരക്കാരനായിട്ടാണ് സതീഷിന്റെ വരവ്. ഡയറക്ടര്‍ ജനറല്‍ ഓഫ് ഹോംഗാര്‍ഡ്‌സ് ചുമതല വഹിച്ചിരുന്ന എസ്ബികെ സിങ്ങിന് ഓഗസ്റ്റ് ഒന്നിന് ഡല്‍ഹി പോലീസ് കമ്മീഷണറുടെ അധികചുമതല നല്‍കുകയായിരുന്നു
.ഓഗസ്റ്റ് 20-ന് ഔദ്യോഗിക വസതിയില്‍ ജനസമ്പര്‍ക്ക പരിപാടിക്കിടെയാണ് ഡല്‍ഹി മുഖ്യമന്ത്രി രേഖാ ഗുപ്തയ്ക്ക് നേരെ ആക്രമണമുണ്ടായത്. 35-കാരനായ യുവാവ് പരിപാടിക്കിടെ മുഖ്യമന്ത്രിയുടെ മുഖത്തടിക്കുകയായിരുന്നു. ആക്രമണം നടത്തിയ ആളെ പോലീസ് പിന്നീട് തിരിച്ചറിഞ്ഞിരുന്നു. ഗുജറാത്തിലെ രാജ്‌കോട്ട് സ്വദേശിയ രാജേഷ് സക്രിയ എന്നയാളാണ് ആക്രമണം നടത്തിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.