സ്പർശം 2025, ഭിന്നശേഷിക്കാർക്കായി വിവിധ സ്വയം തൊഴിൽ പദ്ധതികൾ

കോട്ടയം: വിജയപുരം സോഷ്യൽ സർവീസ് സൊസൈറ്റി (VSSS)ഭിന്നശേഷിക്കാർക്കായി 'സ്പർശം 2025' എന്ന പേരിൽ സ്വയംതൊഴിൽ വായ്പ്പാ വിതരണവും കൂൺ കൃഷിയിൽ പരിശീലനവും സംഘടിപ്പിച്ചു

VSSS എക്സിക്യൂട്ടീവ് ഡയറക്ടർ റവ.ഫാ.അഗസ്റ്റിൻ ബിനോയ് മേച്ചേരിലിന്റെ അധ്യക്ഷതയിൽ കൂടിയ ഉദ്ഘാടന സമ്മേളനം വിജയപുരം രൂപതാ സഹായമെത്രാൻ റൈറ്റ്. റവ. ഡോ.ജസ്റ്റിൻ മഠത്തിൽ പറമ്പിൽ ഉദ്ഘാടനം ചെയ്തു. 5 ലക്ഷം രൂപയാണ് ഭിന്നശേഷിക്കാർക്കായി വിവിധ സ്വയം തൊഴിൽ പദ്ധതികൾക്കായി നൽകിയത്.

തുടർന്ന് കൂൺ കൃഷിയിൽ നടന്ന പരിശീലന പരിപാടിക്ക് അനിൽ എബ്രഹാം വാഴൂർ നേതൃത്വം നൽകി. ടി കെ രാജു, സെബാസ്റ്റ്യൻ മറ്റത്തിൽ, സിസ്റ്റർ വത്സ,മിനി വിനോദ് എന്നിവർ സംസാരിച്ചു.