കരുനാഗപ്പള്ളി: വിചാരണ തടവുകാരെ കോടതിയിൽ എത്തിച്ചപ്പോൾ വിഡിയോ പകർത്തി സോഷ്യൽ മീഡിയയിൽ റീൽസ് രൂപത്തിൽ പ്രചരിപ്പിച്ച സംഭവത്തിൽ എട്ട് പേർ പൊലീസ് പിടിയിലായി. കരുനാഗപ്പള്ളി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയുടെ നിർദ്ദേശത്തെ തുടർന്ന് കരുനാഗപ്പള്ളി പൊലീസ് നടത്തിയ നടപടിയിലാണ് പ്രതികളെ അറസ്റ്റ് ചെയ്തത്
ജിം സന്തോഷ് കൊലക്കേസിലെ വിചാരണ തടവുകാരായ അതുൽ, മനു എന്നിവരുടെ ദൃശ്യങ്ങൾ കോടതി പരിസരത്ത് പകർത്തി, നിരോധിത വസ്തുക്കൾ കൈമാറുകയും ചെയ്തിരുന്നു. പിന്നീട് ആ ദൃശ്യങ്ങൾ റീൽസ് ആക്കി സോഷ്യൽ മീഡിയയിൽ പ്രചരിപ്പിച്ചതോടെ, സമൂഹത്തിൽ തെറ്റിദ്ധാരണ സൃഷ്ടിക്കുന്ന തരത്തിലുള്ള സന്ദേശമെന്ന നിലയിൽ കേസ് രജിസ്റ്റർ ചെയ്തു.അറസ്റ്റിലായവർ ഒച്ചിറ അമ്പലശ്ശേരി അമ്പാടി (24), മരുതെക്ക് റോസ് ഭവനം റോശൻ (38), ഒച്ചിറ ശ്രീകൃഷ്ണവിലാസം അനന്തകൃഷ്ണൻ (24), ഒച്ചിറ കൊച്ചുപുര കിഴക്കത്ത് അജിത് (28), മഠത്തിൽ കാരായ്മ അഞ്ചകത്ര ഹരികൃഷ്ണൻ (26), മഠത്തിൽ കാരായ്മ ദേവസുധയിൽ ഡിപിൻ (26), മണപ്പള്ളി തണ്ടലത്ത് മനോജ് (36), വള്ളിക്കുന്നത്ത് അഖിൽ ഭവനം അഖിൽ (26).സംഭവം കഴിഞ്ഞ മാസം 28-നാണ് നടന്നത്. ജിം സന്തോഷ് വധക്കേസിലെ പ്രതികളെ വിചാരണക്കായി കോടതിയിൽ എത്തിച്ചപ്പോഴാണ് വീഡിയോ ചിത്രീകരിച്ചത്. കരുനാഗപ്പള്ളി ഇൻസ്പെക്ടർ ബിജുവിന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.