സൂര്യകാലടി വിനായക ചതുർത്ഥി ആഘോഷങ്ങൾ 23ന് തുടക്കമാകും

കോട്ടയം: പുരാതനവും പ്രത്യക്ഷ മഹാഗണപതി സാന്നിധ്യം കൊണ്ട് പ്രശസ്തവുമായ സൂര്യകാലടി മനയിലെ വിനായക ചതുർത്ഥി ആഘോഷങ്ങൾ 23ന് ആരംഭിക്കും.

ചടങ്ങുകൾക്ക് തന്ത്രി സൂര്യൻ സുബ്രഹ്മണ്യൻ ഭട്ടതിരിപ്പാട് മുഖ്യ കാർമികത്വം വഹിക്കും. 23ന് രാവിലെ മഹാഗണപതിഹോമം, 12 മണിക്ക് പ്രഭാഷണം മോഹൻജി , വൈകിട്ട് അഞ്ചിന് തായമ്പക, ആറുമണിക്ക് വിനായക ചതുർത്ഥി സമാരംഭസഭ തന്ത്രി സൂര്യൻ സുബ്രഹ്മണ്യൻ അധ്യക്ഷതയിൽ നടക്കും . അവിട്ടം തിരുനാൾ ആദിത്യ വർമ്മ, തിരുവഞ്ചൂർ രാധാകൃഷ്ണൻ എംഎൽഎ എന്നിവർ പങ്കെടുക്കും.

തുടർന്ന് ആദരിക്കൽ ചടങ്ങ് വന്ദേമാതരം നൃത്തശില്പം , വാസ്തു കലശം വാസ്തുബലി, 24ന് 12 മണിക്ക് പ്രഭാഷണം ഡോ: എൻ ആർ മധു , വൈകീട്ട് അഞ്ചിന് സംഗീതാർച്ചന ഏഴിന് കോഴിക്കോട് പ്രശാന്ത് വർമ്മയുടെ മാനസജലഹരി, 25ന് 12 മണിക്ക് പ്രഭാഷണം ആർ. രാമാനന്ദ്, വൈകിട്ട് ആറിന് നാമസങ്കീർത്തനം തുടർന്ന് തിരുവാതിര, 26-ന് രാവിലെ മുതൽ ശ്രീചക്രമഹായാഗം , ശ്രീചക്രപൂജ, 12മണിക്ക് മഹാമണ്ഡലേശ്വർ സ്വാമി ആനന്ദവനം ഭാരതിയുടെ പ്രഭാഷണം , ചടങ്ങിൽ ബിജെപി പാലക്കാട് ജില്ലാ പ്രസിഡന്റ് പ്രശാന്ത് ശിവൻ പങ്കെടുക്കും.

വൈകിട്ട് അഞ്ചിന് ശ്രീചക്രപൂജ ത്രിതീയ സവനം, 5 .45 ന് നൃത്തം, ആറിന് സുഹാസിനി പൂജ - 108 വനിതകളെ ലളിത മഹാത്രിപുരസുന്ദരി പരാഭട്ടാരിക ആവരണ ദേവതകളായി പൂജിച്ചു പൂജ നവാവരണ നൃത്തം ഇവ നടക്കും . 27ന് വിനായക ചതുർത്ഥിദിനം രാവിലെ ആറു മുതൽ സഹസ്രാഷ്ടാധിക അഷ്ടദ്രവ്യ മഹാഗണപതി ഹോമം, തുടർന്ന് ഗണേശ സംഗീത ആരാധന, പഞ്ചാരിമേളം, പ്രത്യക്ഷ ഗണപതി പൂജ, കലശാഭിഷേകം, 12ന് പ്രഭാഷണം വിമൽ വിജയ് ഒന്നിന് ഗണപതി പ്രാതൽ രാത്രി എട്ടിന് കഥകളി നടക്കും.