വിജയവാഡ: 400 കോടി രൂപ വിലമതിക്കുന്ന സര്ക്കാര് ഭൂമി ലുലു ഗ്രൂപ്പിന് നല്കാനുള്ള ആന്ധ്രയിലെ എന്ഡിഎ സര്ക്കാര് തീരുമാനത്തിനെതിരെ സിപിഐഎം. വിജയവാഡയിലെ പഴയ ആര്ടിസി ഭൂമി ലുലു മാള് ആരംഭിക്കുന്നതിനായി അനുവദിക്കാന് തീരുമാനിച്ചെന്ന റിപ്പോര്ട്ടുകള് വന്നിരുന്നു. ഈ തീരുമാനത്തിനെതിരെയാണ് പ്രക്ഷോഭം ആരംഭിച്ചിരിക്കുന്നത്.
പ്രാദേശിക വ്യാപാരികളുടെയും പൊതുമുതലിന്റെയും വകുപ്പില് സര്ക്കാര് ബഹുരാഷ്ട്ര കുത്തകളെ സഹായിക്കുകയാണ്. ഇത് വികസനമല്ല. ഇത് സാമ്പത്തിക കോളനിവല്ക്കരണമാണെന്നും സിപിഐഎം നേതാവ് ബാബു റാവു പറഞ്ഞു. ആയിരക്കണത്തിന് ചെറുകിട-ഇടത്തരം വ്യാപാരികളെ തകര്ക്കുന്നതിന് ലുലുവിന് ഭൂമി നല്കാനുള്ള സര്ക്കാര് തീരുമാനം കാരണമാവുമെന്നും അദ്ദേഹം പറഞ്ഞു. ബാബു റാവുവും ഡി കാശിനാഥും പ്രക്ഷോഭത്തെ നയിച്ചു.
നിരവധി സിപിഐഎം നേതാക്കളും വിരമിച്ച ആര്ടിസി ജീവനക്കാരും പ്രക്ഷോഭത്തില് പങ്കെടുത്തു. ലുലു മാളിന് ഭൂമി നല്കാനുള്ള തീരുമാനത്തില് നിന്ന് സര്ക്കാര് പിന്മാറിയില്ലെങ്കില് പ്രക്ഷോഭം കനപ്പെടുത്തുമെന്ന് നേതാക്കള് പറഞ്ഞു. പൊതുസ്ഥലവും ചെറുകിട വ്യവസായവും ഇടത്തരക്കാരുടെ ജീവിതവും സംരക്ഷിക്കുന്നതിന് വേണ്ടി വിജയവാഡയിലെ ജനങ്ങള് രംഗത്തിറങ്ങണമെന്നും അവര് ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.