വിഖ്യാത സാമ്പത്തികശാസ്ത്രജ്ഞനും പ്രവാസിയുമായ മേഘനാഥ് ദേശായി (85) അന്തരിച്ചു.

ന്യൂഡൽഹി ;ഇന്ത്യൻ വംശജനായ വിഖ്യാത സാമ്പത്തികശാസ്ത്രജ്ഞനും ബ്രിട്ടനിലെ പ്രഭുസഭാംഗവുമായ മേഘനാഥ് ദേശായി (85) അന്തരിച്ചു.

ലണ്ടൻ സ്കൂൾ ഓഫ് ഇക്കണോമിക്സ് മുൻ അധ്യാപകനാണ്. മാർക്സിയൻ ഇക്കണോമിക്സിൽ വിദഗ്ധനായിരുന്നു.ഗുജറാത്തിലെ വഡോദരയിൽ 1940ലാണു ജനനം. 1963ൽ ബ്രിട്ടനിലേക്കു കുടിയേറി. 

ലണ്ടൻ സ്കൂൾ ഓഫ് ഇക്കണോമിക്സിൽ സെന്റർ ഫോർ ദ് സ്റ്റഡി ഓഫ് ഗ്ലോബൽ ഗവേണൻസ് സ്ഥാപിച്ചു. മാനവ വികസന സൂചികയുടെ സ്രഷ്ടാക്കളിലൊരാളാണ്. 1986 മുതൽ 1992 വരെ ബ്രിട്ടിഷ് ലേബർ പാർട്ടിയു‌ടെ ചെയർമാനായിരുന്നു. 1991ൽ പ്രഭുസഭയിൽ അംഗമായി. 2020ൽ ലേബർ പാർട്ടി വിട്ടു. 2008ൽ പത്മഭൂഷൺ ബഹുമതി നൽകി ഇന്ത്യ ആദരിച്ചു.