ചൈന : പാകിസ്താന്റെ റിമോട്ട് സെന്‍സിങ് സാറ്റലൈറ്റ് (പിആര്‍എസ്എസ്-01) വിജയകരമായി വിക്ഷേപിച്ച് ചൈന. വ്യാഴാഴ്ച രാവിലെ ആയിരുന്നു വിക്ഷേപണം. ഇതുവഴി പാകിസ്താന്റെ ഭൗമനിരീക്ഷണ സാങ്കേതിക വിദ്യ കൂടുതല്‍ ശക്തമാവും. ചൈനയിലെ സിച്വാന്‍ പ്രവിശ്യയിലുള്ള ഷിചാങ് ഉപഗ്രഹ വിക്ഷേപണ കേന്ദ്രത്തില്‍ നിന്ന് ക്വായ്‌ഷോ-1എ റോക്കറ്റിലായിരുന്നു വിക്ഷേപണം.
മുന്‍കൂട്ടി നിശ്ചയിച്ച ഭ്രമണപഥത്തില്‍ ഉപഗ്രഹം സ്ഥാപിച്ചു. ഉപഗ്രഹം പ്രവര്‍ത്തനക്ഷമമായതായി മിഷന്‍ കണ്‍ട്രോളര്‍മാര്‍ അറിയിച്ചു. ഭൂമി സര്‍വേ, നഗരാസൂത്രണം, പാരിസ്ഥി നിരീക്ഷണം, ദുരന്ത നിവാരണം ഉള്‍പ്പടെയുള്ള ആവശ്യങ്ങള്‍ക്ക് പാകിസ്താന് ഈ ഉപഗ്രഹത്തിന്റെ കഴിവുകള്‍ പ്രയോജനപ്പെടുത്താനാവും.
ചൈനയിലേയും പാകിസ്താനിലേയും എഞ്ചിനീയര്‍മാര്‍ ചേര്‍ന്നാണ് പിആര്‍എസ്എസ്-01 പൂര്‍ത്തിയാക്കിയത്. ചൈന ദൗത്യത്തിന് ആവശ്യമായ ബഹിരാകാശ സാങ്കേതിക വിദ്യാ പിന്തുണയും വൈദഗ്ദ്യവും ദൗത്യത്തിലുടനീളം നല്‍കിയിട്ടുണ്ട്. ഇതിനകം പ്രതിരോധം ഉള്‍പ്പടെ പാകിസ്താന്റെ വിവിധ രംഗങ്ങളില്‍ ചൈനയുടെ വലിയ പിന്തുണ ലഭിക്കുന്നുണ്ട്. ഈ വിക്ഷേപണത്തോടെ എയറോസ്‌പേസ് രംഗത്തും ഇരുരാജ്യങ്ങളും തമ്മിലുള്ള ബന്ധം ശക്തമാക്കപ്പെട്ടിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.