ന്യൂഡല്‍ഹി: ബിജെപിയുടെ പുതിയ ദേശീയ അധ്യക്ഷനെ സ്വാതന്ത്യ ദിനമായ ഓഗസ്റ് 15-ന്‌ പ്രഖ്യാപിച്ചേക്കും. നിലവിലെ അധ്യക്ഷന്‍ ജെ.പി. നദ്ദയുടെ കാലാവധി കഴിഞ്ഞ സാചര്യത്തിലാണ് പുതിയ അധ്യക്ഷനെ തിരഞ്ഞെടുക്കുന്നത്. 2020-ല്‍ ബിജെപി അധ്യക്ഷനായ നദ്ദയുടെ കാലാവധി 2024-ല്‍ അവസാനിച്ചിരുന്നു. തുടര്‍ന്ന് പൊതു തിരഞ്ഞെടുപ്പിന്റെ ഭാഗമായി അദ്ദേഹത്തിന് കാലാവധി നീട്ടി നല്‍കുകയായിരുന്നു. ഈ സമയപരിധിയും കഴിഞ്ഞതിനാലാണ് പുതിയ അധ്യക്ഷനെ തിരഞ്ഞെടുക്കുന്നത്.
.webp)
അധ്യക്ഷ സ്ഥാനത്തേക്ക് ഒട്ടേറെ പേരുകള്‍ പറഞ്ഞുകേള്‍ക്കുന്നുണ്ട്. എന്നാല്‍, ആരും പ്രതീക്ഷിക്കാത്ത ഒരാള്‍ അധ്യക്ഷസ്ഥാനത്തേക്ക് എത്തുമെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. കേന്ദ്രമന്ത്രി ധര്‍മേന്ദ്ര പ്രധാന്‍, കേന്ദ്രമന്ത്രി ഭൂപേന്ദ്ര യാദവ്, മുന്‍ മധ്യപ്രദേശ് മുഖ്യമന്ത്രിയും നിലവിലെ കേന്ദ്ര കൃഷി വകുപ്പ് മന്ത്രി ശിവരാജ് സിങ് ചൗഹാന്‍, മുതിര്‍ന്ന ബിജെപി നേതാവ് ബി.ഡി. ശര്‍മ, മുന്‍ ഹരിയാണ മുഖ്യമന്ത്രി മനോഹര്‍ ലാല്‍ ഖട്ടര്‍ തുടങ്ങിയ പേരുകളാണ് ബിജെപിയുടെ അധ്യക്ഷ സ്ഥാനത്തേക്ക് പറഞ്ഞുകേള്‍ക്കുന്നത്.
അതേസമയം, മാതൃസംഘടനയായ ആര്‍എസ്എസ് അധ്യക്ഷ സ്ഥാനത്തേക്ക് ചില പേരുകള്‍ മുന്നോട്ടുവെച്ചുവെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്. ബിജെപിയില്‍ സംഘടനാ തലത്തില്‍ വലിയ പുനഃസംഘടനയാണ് ആര്‍എസ്എസ് ആവശ്യപ്പെട്ടതെന്നാണ് റിപ്പോര്‍ട്ടുകള്‍.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.