തിരുവനന്തപുരം: പ്രതിപക്ഷ തൊഴിലാളി സംഘടനകൾ രാജ്യവ്യാപകമായി പ്രഖ്യാപിച്ച പണിമുടക്കിന് ഐക്യദാർഢ്യം പ്രഖ്യാപിച്ച് പാർട്ടി ഓഫീസിലേക്ക് കാൽനടയായെത്തി പൊതുവിദ്യാഭ്യാസ മന്ത്രി വി ശിവൻകുട്ടി. രാവിലെ പത്തരയോടെ ഔദ്യോഗിക വസതിയായ വഴുതക്കാടുള്ള റോസ് ഹൗസിൽ നിന്ന് തൈക്കാടുള്ള സിപിഎം ജില്ലാകമ്മിറ്റി ഓഫീസിലേക്കാണ് മന്ത്രി നടന്നു പോയത്.
കേരള, എംജി, കണ്ണൂര്‍, കാലിക്കറ്റ് സര്‍വകലാശാലകളാണ് ഇന്ന് (ജൂലൈ 09) നടത്താന്‍ നിശ്ചയിച്ച പരീക്ഷകള്‍ മാറ്റിവച്ചത്. പുതുക്കിയ തീയതി പിന്നീട് അറിയിക്കും.
കെഎസ്ആർടിസിയിലും കെഎസ്ഇബിയിലും ഡയസ്നോൺ പ്രഖ്യാപിച്ചിട്ടുണ്ട്. ജീവനക്കാർ ജോലിക്ക് ഹാജരാകാതെ പണിമുടക്കിൽ പങ്കെടുക്കുന്നത് ഡയസ്നോണായി കണക്കാക്കും. ഐഎൻടിയുസി, സിഐടിയു, എഐടിയുസി, എച്ച്എംഎസ്, എഐയുടിയുസി, ടിയുസിസി, സേവ, എഐസിസിടിസി, എൽപിഎഫ്, യുടിയുസി എന്നീ യൂണിയനുകളാണ് പണിമുടക്കിന് നേതൃത്വം നൽകിയത്.
പണിമുടക്ക് മാസങ്ങൾക്ക് മുൻപ് പ്രഖ്യാപിച്ചത്, കേന്ദ്ര സർക്കാർ തൊഴിലാളികളുമായി ചർച്ചയ്ക്ക് തയ്യാറാകണം തൊഴിലാളി വിരുദ്ധ നയങ്ങൾക്കെതിരെയുള്ള പണിമുടക്കിൽ കേന്ദ്ര സർക്കാർ തൊഴിലാളികളുമായി ചർച്ചയ്ക്ക് തയ്യാറാകണമെന്ന് മന്ത്രി വി ശിവൻകുട്ടി പറഞ്ഞു. എത്ര സംസ്ഥാനങ്ങളിൽ പണിമുടക്ക് പൂർണമാണെന്നതല്ല പ്രശ്‌നം, തൊഴിലാളികൾ ഉന്നയിക്കുന്ന പ്രശ്‌നങ്ങൾ എത്ര കാമ്പുള്ളതാണെന്നാണ്. മാസങ്ങൾക്ക് മുൻപാണ് ഇന്നത്തെ പണിമുടക്ക് പ്രഖ്യാപിച്ചത്. ഒരു തവണ മാറ്റിവെച്ചതുമാണ്. അതുകൊണ്ട് സമരക്കാർ ജനങ്ങളെ ദ്രോഹിക്കുന്നുവെന്ന് പറയാനാവില്ല. കോർപ്പറേറ്റുകൾക്കും കുത്തകകൾക്കും സഹായം ചെയ്യുന്ന കേന്ദ്ര സർക്കാർ നിലപാട് അങ്ങേയറ്റം പ്രതിഷേധാർഹമാണെന്നും മന്ത്രി പറഞ്ഞു. അവകാശ സമര പോരാട്ടങ്ങളിൽ അണിചേരുന്ന എല്ലാവർക്കും അഭിവാദ്യങ്ങളും മന്ത്രി അര്‍പ്പിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.