സിഡ്നി: ഓസ്ട്രേലിയയിലെ മലയാളി കലാകാരന്മാർ അണിനിരന്ന് ഒരുക്കിയ ഹൊറർ ത്രില്ലർ ഷോർട്ട് ഫിലിം "15th നൈറ്റ്" (15th Night) റിലീസിനൊരുങ്ങുന്നു.
ഗതീഷ് എ. (Gathish A) രചനയും സംവിധാനവും നിർവ്വഹിച്ചിരിക്കുന്ന ഈ ചിത്രം, പ്രേക്ഷകരെ മുൾമുനയിൽ നിർത്തുന്ന ഒരു ഹൊറർ അനുഭവമായിരിക്കും സമ്മാനിക്കുക.
ചിത്രത്തിൽ ജോൺ എന്ന കഥാപാത്രമായി സ്റ്റാലിൻ ജോർജും (Stalin George), അനുവായി ലിബി സ്റ്റാലിനും (Liby Stalin), ജെസ്സിയായി ഗായത്രി രഞ്ജിത്തും (Gayathri Ranjith), വിനോദായി ഗതീഷ് എബ്രഹാമും (Gathish Abraham) അഭിനയിക്കുന്നു. ഓസ്ട്രേലിയൻ മലയാളി സമൂഹത്തിലെ കഴിവുറ്റ കലാകാരന്മാരാണ് ഈ ചിത്രത്തിനായി ഒരുമിച്ചിരിക്കുന്നത്. രഞ്ജിത്ത് പരമേശ്വരൻ (Ranjith Parameswaran), ആനന്ദ് ജെയിംസ് (Anand James) എന്നിവരാണ് ചിത്രത്തിന്റെ സഹസംവിധായകർ. ചിത്രത്തിന്റെ ഛായാഗ്രഹണം അബിൻ ബാബുവും, എഡിറ്റിംഗ് അനുജിത്ത് ആർ. എല്ലും നിർവ്വഹിച്ചിരിക്കുന്നു. ആനന്ദ് എം., രഞ്ജിത്ത് പി.ജെ., നാഷ് എന്നിവർ കാമറ അസിസ്റ്റന്റായി പ്രവർത്തിച്ചിട്ടുണ്ട്. ടെസ്സി ജി.യാണ് പ്രൊഡക്ഷൻ കൺട്രോളർ. നീഹ ജി. കോസ്റ്റ്യൂമും മേക്കപ്പും കൈകാര്യം ചെയ്യുമ്പോൾ, മിഥുൻ എം. പോസ്റ്റർ ഡിസൈൻ ചെയ്തിരിക്കുന്നു. സംഗീതവും പശ്ചാത്തല സംഗീതവും ഒരുക്കിയിരിക്കുന്നത് അബിൻ ടി. ജോസഫാണ്.
ഹൊറർ ത്രില്ലർ ഗണത്തിൽ പെടുന്ന "15th നൈറ്റ്" മികച്ച സാങ്കേതിക തികവോടെയാണ് ഒരുക്കിയിരിക്കുന്നത്. "15th നൈറ്റ്" ഷോർട്ട് ഫിലിം വരും ദിവസങ്ങളില് യൂട്യൂബിൽ റിലീസ് ചെയ്യുന്നതാണ്.
ഓൺലൈൻ പ്ലാറ്റ്ഫോമുകളിലൂടെ മലയാളികൾക്കിടയിൽ ഹ്രസ്വചിത്രങ്ങൾക്ക് വലിയ സ്വീകാര്യത ലഭിക്കുന്ന ഈ സാഹചര്യത്തിൽ, ഓസ്ട്രേലിയയിൽ നിന്നുള്ള ഈ പുതിയ സംരംഭം ഏറെ പ്രതീക്ഷയോടെയാണ് നോക്കിക്കാണുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.