പാലാ :കൃഷി വിജ്ഞാൻ കേന്ദ്രവും കൊഴുവനാൽ കൃഷി ഭവനും ചേർന്നു നടത്തിയ കാർഷിക സെമിനാറും പരിശീലനവും പഞ്ചായത്ത് പ്രസിഡൻ്റ് പാർട്ടി നിർദ്ദേശ പ്രകാരം അട്ടിമറിച്ചു. ദിവസങ്ങൾക്ക് മുൻപേ പഞ്ചായത്ത് ഹാൾ ബുക്ക് ചെയ്ത് നിശ്ചയി ച്ച പരിപാടിക്ക് കൃഷി ഓഫീസറും ICAR ലെ കൃഷി വിദഗ്ധരും, ശസ്ത്രജ്ഞരും, കൃഷി വകുപ്പിലെ ഉന്നത ഉദ്യോഗസ്ഥരും പരിപാടിക്കായി എത്തിയപ്പോൾ ഹാൾ തുറന്നു കൊടുക്കാതെ ആളുകളെ പുറത്തു നിർത്തി അപമാനിച്ചു.
ദീർഘ നേരത്തെ വാദപ്രതിവാദങ്ങൾക്ക് ശേഷം താക്കോൽ ലഭ്യമാക്കി ഉള്ളിൽ കയറിയപ്പോൾ ക്ലീനിംഗ് ജീവനക്കാരിയെ വിട്ടു നൽകാതെ വൃത്തിഹീനമായ സ്ഥലത്ത് പരിപാടി സംഘടിപ്പിക്കാൻ ബന്ധപ്പെട്ടവർ നിർബന്ധിതരായി.
തുടർന്ന് ഉച്ചഭാഷിണി ലഭ്യമാക്കാതെയും പരിപാടി അട്ടിമറിക്കാൻ പ്രസിഡൻ്റ് ശ്രമിച്ചു. തുടർന്ന് കൃഷിക്കാർ സംഘടിച്ച് പ്രതിഷേധിക്കും എന്ന സാഹചര്യം വന്നപ്പോൾ പ്രസിഡൻ്റ് സംഭവ സ്ഥലത്തു നിന്നും മുങ്ങി. വൈകി ആരംഭിച്ച പരിപാടിയിൽ ദൂര ദേശങ്ങളിൽ നിന്നും വന്ന ഉദ്യോഗസ്ഥരും പഞ്ചായത്തിലെ വിവിധ വാർഡുകളിൽ നിന്നെത്തിയ കർഷകരും ദുരിതത്തിലായി.
കേവലം രാഷ്ട്രീയ അജണ്ടയുമായി പ്രവർത്തിക്കുന്ന പഞ്ചായത്ത് പ്രസിഡന്റ് നീതി പാലിക്കണമെന്ന് പഞ്ചായത്തംഗമായ അഡ്വ. ജി അനീഷ് , കർഷക പ്രതിനിധികളായ കുട്ടികൃഷ്ണൻ K V, സുരേഷ് കുമാർ, ഹരിതം കർഷക സംഘം പ്രതിനിധി ബിജു കോയിക്കൽ, ശശികുമാർ M K എന്നിവർ ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.