കൊച്ചി : മഞ്ഞുമ്മൽ ബോയ്സ് സിനിമയുടെ നിർമാതാക്കൾക്കെതിരെ വീണ്ടും പൊലീസ് റിപ്പോർട്ട്. നിർമാതാക്കളായ സൗബിൻ ഷാഹിർ, പിതാവ് ബാബു ഷാഹിർ, ഇവരുടെ നിർമാണ കമ്പനിയായ പറവ ഫിലിംസിലെ പങ്കാളി ഷോൺ ആന്റണി എന്നിവരുടെ ജാമ്യാപേക്ഷയ്ക്ക് എതിരെയാണ് കൊച്ചി മരട് പൊലീസ് ഹൈക്കോടതിയിൽ റിപ്പോർട്ട് സമർപ്പിച്ചിരിക്കുന്നത്. ഗൂഢാലോചന, വഞ്ചന തുടങ്ങിയവ ആരോപിച്ചുള്ള കേസിൽ മൂവരുടെയും മുൻകൂർ ജാമ്യാപേക്ഷ പരിഗണിക്കുന്നത് ഈ മാസം 26ലേക്ക് മാറ്റിയിരുന്നു.
എന്നാൽ ചിത്രത്തിന്റെ രാജ്യത്തിന് അകത്തെയും പുറത്തെയും റിലീസിങ് വരുമാനത്തിന്റെ ഒരു ഭാഗം മാത്രമേ വിതരണ കമ്പനിയായ ബിഗ് ഡ്രീംസിലൂടെ ശേഖരിച്ചിട്ടുള്ളൂ. ബാക്കി പ്രതികളുടെ അക്കൗണ്ടിലേക്കാണ് എത്തിയിട്ടുള്ളത്. ഇതിന്റെ വിവരങ്ങള്‍ അറിയേണ്ടതുണ്ട്. മാത്രമല്ല, മറ്റു ഭാഷകളിലേക്ക് ഡബ് ചെയ്ത വകയിലുള്ള വരുമാനം സംബന്ധിച്ചും അറിയേണ്ടതുണ്ടെന്ന് പൊലീസ് പറയുന്നു.
50 ലക്ഷം രൂപ മാത്രമായിരുന്നു പരാതിക്കാരനു പ്രതികൾ തിരികെ നൽകിയത്. പരാതിക്കാരൻ കേസ് കൊടുത്താൽ തന്നെ സിവിൽ കേസായി മുന്നോട്ടു പോകുമെന്നും ഇതിനു വർഷങ്ങളെടുക്കുമെന്നും കൊടുക്കേണ്ട പണം അതുവരെ യഥേഷ്ടം ചെലവഴിക്കാമെന്നുമാണു പ്രതികൾ കണക്കാക്കിയിട്ടുള്ളത്. ചിത്രത്തിന്റെ നിർമാണത്തിന് 22 കോടി രൂപയാണ് ചെലവായതായി കണക്കിൽ കാണിച്ചിട്ടുള്ളതെങ്കിലും 18.5 കോടി രൂപ മാത്രമാണ് മുടക്കുമുതൽ ആയിട്ടുള്ളൂ എന്നും റിപ്പോർട്ടിൽ പറയുന്നു.
പ്രതികൾ പരാതിക്കാരനായ സിറാജ് വലിയവീട്ടിൽ ഹമീദിന് 5.99 കോടി രൂപ നൽകിയിട്ടുണ്ട്. എന്നാൽ പൊലീസ് കേസ് റജിസ്റ്റർ ചെയ്യുകയും കുറ്റകൃത്യം നടന്നിട്ടുണ്ടെന്ന് കോടതിയിൽ റിപ്പോർട്ട് നൽകുകയും ചെയ്തതിനു ശേഷം മാത്രമാണ് ഇതുണ്ടായിരിക്കുന്നതെന്നുമാണ് പൊലീസ് പറയുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.