ബലി പെരുന്നാൾ; ദുബായിൽ 985 തടവുകാർക്ക് മോചനം

അബുദാബി: ദുബായിൽ തടവുശിക്ഷ അനുഭവിക്കുന്ന 985 പേരെ ബലി പെരുന്നാൾ പ്രമാണിച്ച് വിട്ടയക്കാൻ യുഎഇ വൈസ്പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഉത്തരവിട്ടു.

തടവുകാരെ പുതിയ ജീവിതത്തിലേക്ക് കൈപിടിച്ചുയർത്താനുള്ള മാനവിക സമീപനത്തിന്റെ ഭാഗമായാണ് ഈ തീരുമാനമെന്ന് അധികൃതർ പറഞ്ഞു.

കുടുംബബന്ധങ്ങൾ ശക്തിപ്പെടുത്താനും സമൂഹത്തിൽ ക്ഷമയും കരുണയും വളർത്താനുമുള്ള പ്രതിജ്ഞാബദ്ധതയാണ് ഈ നീക്കത്തിലൂടെ പ്രകടമായത്.