.png)
വത്തിക്കാൻ സിറ്റി: നിർമിതബുദ്ധി (എഐ) ചെറുപ്പക്കാരുടെ ബൗദ്ധികശേഷിയുടെ വികാസത്തിന് ആഘാതമുണ്ടാക്കിയേക്കാമെന്ന് ലിയോ പതിന്നാലാമൻ മാർപാപ്പ മുന്നറിയിപ്പുനൽകി.
ഇത് യാഥാർഥ്യം ഗ്രഹിക്കാനും വിശകലനം ചെയ്യാനുമുള്ള മനുഷ്യകുലത്തിന്റെ സവിശേഷമായ കഴിവിനെ ബാധിച്ചേക്കാമെന്നും എഐയെക്കുറിച്ചുള്ള രണ്ടാം റോം സമ്മേളത്തിൽ പങ്കെടുക്കുന്നവർക്ക് എഴുതിയ സന്ദേശത്തിൽ അദ്ദേഹം പറഞ്ഞു.
ഗണിതശാസ്ത്ര ബിരുദധാരിയായ മാർപാപ്പ, മേയ് എട്ടിന് സ്ഥാനമേറ്റപ്പോൾമുതൽ എഐയുമായി ബന്ധപ്പെട്ട അപകടങ്ങളെക്കുറിച്ച് മുന്നറിയിപ്പുനൽകാറുണ്ട്. എന്നാൽ, ഈ വിഷയത്തെക്കുറിച്ചുമാത്രമായി സംസാരിക്കുന്നത് ഇപ്പോഴാണ്.
എഐയിലൂടെ ഇത്രയധികം വിവരം ഇത്രയെളുപ്പം ഇതിനുമുൻപ് ഒരുതലമുറയ്ക്കും കിട്ടിയിട്ടില്ല.എത്ര വിപുലമാണെങ്കിലും വിവരത്തെ ബൗദ്ധികശേഷിയായി തെറ്റിദ്ധരിക്കരുത് -പാപ്പ പറഞ്ഞു. അതേസമയം, ആരോഗ്യരക്ഷ, ശാസ്ത്രീയകണ്ടുപിടിത്തം എന്നിവയ്ക്ക് എഐ ഉപയോഗിക്കുന്നതിനെ അദ്ദേഹം സ്വാഗതം ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.