പാലക്കാട്: നറുക്കെടുത്ത് നേരം ഇരുട്ടിവെളുത്തിട്ടും വിഷു ബംമ്പര് ഭാഗ്യശാലിയെ തേടുകയാണ് കേരളം. പാലക്കാട് കോര്ട്ട് റോഡിലുള്ള പി എസ് വര്ഷ ലോട്ടറി ഏജന്സിയില് നിന്നും വിറ്റ VD-204266 എന്ന ടിക്കറ്റിനാണ് ഒന്നാം സമ്മാനമായ 12 കോടി ഭാഗ്യമെത്തിയത്.
സുല്ത്താന്പേട്ട സെയ്ന്റ് സെബാസ്റ്റ്യന് സ്കൂളിന് സമീപം താമസിക്കുന്ന ജെ പ്രഭാകരനാണ് ഏജന്സി ഉടമ. ടിക്കറ്റ് ജേതാവ് ഇതുവരെയും തന്നെ ബന്ധപ്പെട്ടിട്ടില്ലെന്നാണ് വര്ഷ ലോട്ടറി ഏജന്സി ഉടമ പ്രഭാകരന് പറയുന്നത്. ചിറ്റൂര് സ്വദേശിയാണ് ലോട്ടറി വാങ്ങിയതെന്ന സൂചനയുണ്ട്. തമിഴ്നാട് ചെന്നൈ ട്രിപ്ലിക്കേന് സ്വദേശിയായ പ്രഭാകരന് കേരളത്തില് ലോട്ടറി കട ആരംഭിച്ച 12 ാം വര്ഷമാണ് 12 കോടി ഭാഗ്യമെത്തുന്നത് എന്ന പ്രത്യേകതയും ഉണ്ട്.രണ്ട് വര്ഷം തൃശ്ശൂരിലും ഇരിങ്ങാലക്കുടയിലും ലോട്ടറി കച്ചവടം നടത്തി പിന്നീടാണ് പാലക്കാട് കട തുടങ്ങിയത്. പാലക്കാട്ടെ ട്രഷറിയില് നിന്നും കോഴിക്കോട്ടെ ഡികെഎസ് ഏജന്സിയാണ് ആദ്യം ഈ ടിക്കറ്റ് വാങ്ങിയത്. ഇവിടെ നിന്നും പി എസ് വര്ഷ ലോട്ടറി ഏജന്സി ടിക്കറ്റ് വാങ്ങുകയായിരുന്നു.ഒന്നാം സമ്മാനമായ 12 കോടിക്ക് പുറമെ ഒരു കോടി രൂപ വീതമുള്ള രണ്ടാം സമ്മാനങ്ങളില് ഒന്നും പാലക്കാട് വിറ്റ ടിക്കറ്റിനാണ്. വാളയാറിലെ ചിദംബരം ലോട്ടറി ഏജന്സിയാണ് ടിക്കറ്റ് വിറ്റത്. VG-203046 എന്ന നമ്പറില് വിറ്റ ടിക്കറ്റിനാണ് സമ്മാനം. കോഴിക്കോട്ടെ ഡികെഎസ് ലോട്ടറി ഏജന്സിയില് നിന്നുതന്നെയാണ് ചിദംബരം ലോട്ടറി ഏജന്സീസും ടിക്കറ്റ് വാങ്ങിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.