തിരുവനന്തപുരം: പേരൂര്ക്കടയില് ദളിത് യുവതിക്കെതിരെ വ്യാജ മോഷണക്കേസെടുക്കുകയും പൊലീസ് സ്റ്റേഷനില് കൊടിയ പീഡനമേല്ക്കേണ്ടി വരികയും ചെയ്ത സംഭവത്തില് കൂടുതല് പൊലീസുകാര് കുറ്റക്കാരെന്ന് അന്വേഷണ റിപ്പോര്ട്ട്. കന്റോണ്മെന്റ് അസിസ്റ്റന്റ് കമ്മീഷണര് നടത്തിയ അന്വേഷണത്തിലാണ് കണ്ടെത്തല്.
ഓമനയുടെ മകളെ തനിക്ക് സംശയമുണ്ട്. ഇക്കാര്യം പൊലീസ് അന്വേഷിക്കണമെന്നും ബിന്ദു ആവശ്യപ്പെട്ടു. സംഭവത്തില് എസ്ഐയ്ക്കെതിരെ മാത്രം നടപടിയെടുത്താല് പോര. മറ്റ് രണ്ട് പൊലീസ് ഉദ്യോഗസ്ഥര്ക്കെതിരെയും നടപടി വേണം. അവരെ ജോലിയില് നിന്ന് പിരിച്ചുവിടണം. തന്റെ ഉപജീവനമാര്ഗമാണ് ഇവര് എല്ലാവരും കൂടി ഇല്ലാതാക്കിയത്.
അത്രയ്ക്ക് താന് ദുരിതം അനുഭവിച്ചു. തന്നെ കള്ളിയായി ചിത്രീകരിച്ചു. തനിക്ക് നഷ്ടപരിഹാരം ലഭിക്കണമെന്നും കോടതിയെ സമീപിക്കുമെന്നും ബിന്ദു കൂട്ടിച്ചേര്ത്തു. കഴിഞ്ഞ മാസം 23നായിരുന്നു തിരുവനന്തപുരം നെടുമങ്ങാട് സ്വദേശി ബിന്ദുവിനോട് പേരൂര്ക്കട പൊലീസ് ക്രൂരത കാട്ടിയത്. ബിന്ദു ജോലിക്ക് നിന്ന അമ്പലമുക്കിലെ വീട്ടില് നിന്ന് രണ്ടര പവന്റെ മാല മോഷണം പോയതായി വീട്ടുടമ ഓമന ഡാനിയേല് പേരൂര്ക്കട പൊലീസില് പരാതി നല്കുകയായിരുന്നു.
ഇതിനിടെ ഓമന ഡാനിയേലിന്റെ വീട്ടില് പരിശോധന നടത്തിയെങ്കിലും മാല കണ്ടെത്താന് കഴിഞ്ഞില്ല. പുലര്ച്ചെ 3.30 വരെ ചോദ്യം ചെയ്യല് തുടര്ന്നു. കുറ്റം സമ്മതിച്ചില്ലെങ്കില് മക്കളെ കേസില് കുടുക്കുമെന്ന് ഭീഷണിപ്പെടുത്തി. ചോദ്യം ചെയ്യലിന് ശേഷം പരാതിക്കാരിയുടെ വീട്ടില് തിരച്ചിലിനായി ബിന്ദുവിനെ കൊണ്ടുപോയി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.