തിരുവനന്തപുരം നെടുമങ്ങാട് വിവാഹ തട്ടിപ്പ് വീരൻ അറസ്റ്റിൽ

നെടുമങ്ങാട്: നെടുമങ്ങാട് വിവാഹ തട്ടിപ്പ് വീരൻ അറസ്റ്റിൽ.

ആനാട് സ്വദേശി വിമൽ (37) നെയാണ് നെടുമങ്ങാട് പോലീസ് അറസ്റ്റ് ചെയ്തത്. നെടുമങ്ങാട് - പുലിപ്പാറ സ്വദേശിനികളുടെ പരാതിയുടെ അടിസ്ഥാനത്തിലാണ് കേസ്.രണ്ട് പേരിൽ നിന്നുമായി ആറരലക്ഷം രൂപയും 5 പവൻ സ്വർണ്ണവും വാങ്ങിയശേഷം മറ്റൊരു സ്ത്രിയെ വിവാഹം കഴിച്ചു. വിവാഹം കഴിക്കുന്നവരെ ഇയാൾ  രജിസ്ട്രർ വിവാഹം ചെയ്യും.
6 മാസം മുതൽ 1 വർഷം വരെ കൂടെ താമസിക്കും തുടർന്ന് അടുത്ത വിവാഹം. ഇയാൾക്ക് എതിരെ ചീറ്റിംഗ് , പിടിച്ച് പറി തുടങ്ങിയ കേസ് നിലവിൽ നെടുമങ്ങാട് പോലീസ് സ്‌റ്റേഷനിൽ ഉണ്ട്. പ്രതിയെ കോടതിയിൽ ഹാജരാക്കി റിമാൻഡ് ചെയ്യും.