വിഴിഞ്ഞത്ത് കാണാതായ രണ്ട് വള്ളങ്ങളിലൊന്നിനെ തിരച്ചിൽ സംഘം കണ്ടെത്തി

തിരുവനന്തപുരം: വിഴിഞ്ഞത്ത് കാണാതായ രണ്ട് വള്ളങ്ങളിലൊന്നിനെ തിരച്ചിൽ സംഘം കണ്ടെത്തി. വള്ളത്തിലുണ്ടായിരുന്ന ഡേവിഡ്സൺ, റോബിൻസൺ, ദാസൻ, യേശുദാസൻ എന്നിവരെയാണ് രക്ഷപ്പെടുത്തിയത്.

വിഴിഞ്ഞം സ്വദേശി റോബിൻസണിന്റെ ഉടമസ്ഥതയിലുള്ള വള്ളത്തിലാണ് ഇവർ കടലിലേക്ക് പോയത്.

അതേസമയം ലാസറിന്റെ ഉടമസ്ഥതയിലുള്ള വള്ളത്തിൽ പോയ ജോസഫ്, ജോണി, മത്യാസ്, മുത്തപ്പൻ എന്നിവർക്കായി തീരം ആശങ്കയോടെ കാത്തിരിക്കുകയാണ്. ഇതിനുപുറമെ വള്ളം മറിഞ്ഞു കാണാതായ സ്റ്റെല്ലസിനെയും ഇനി കണ്ടെത്തേണ്ടതുണ്ട്.