പഞ്ചായത്ത് വൈസ് പ്രസിഡന്റ് തിരഞ്ഞെടുപ്പിൽ സിപിഎമ്മിനെ തോൽപ്പിച്ച് സിപിഐ...!

ആലപ്പുഴ ;രാമങ്കരി പഞ്ചായത്ത് വൈസ് പ്രസിഡന്റ് തിരഞ്ഞെടുപ്പിൽ സിപിഎമ്മിനെ തോൽപ്പിച്ച് സിപിഐ. സിപിഎം, സിപിഐ സ്ഥാനാർഥികൾ തമ്മിൽ നടന്ന മത്സരത്തിലാണ് സിപിഐയിലെ രമ്യ മോൾ സജീവ് വൈസ് പ്രസിഡന്റായി തിരഞ്ഞെടുക്കപ്പെട്ടത്.

സിപിഎമ്മിലെ മോൾജി രാജേഷിനെയാണ് രമ്യ പരാജയപ്പെടുത്തിയത്. 13 അംഗ ഭരണസമിതിയിൽ പ്രസിഡന്റിന്റെ വോട്ട് അസാധുവായി. രമ്യ സജീവിന് ഏഴു വോട്ടും മോൾജിക്ക് അഞ്ചു വോട്ടുമാണ് ലഭിച്ചത്. യുഡിഎഫ് അംഗങ്ങൾ സിപിഐക്ക് അനുകൂലമായി വോട്ട് ചെയ്തു. യുഡിഎഫിന്റെ വൈസ് പ്രസിഡന്റായിരുന്ന ഷീന രാജപ്പൻ രാജിവച്ച ഒഴിവിലാണ് തിരഞ്ഞെടുപ്പ് നടന്നത്.

 യുഡിഎഫിലെ ധാരണ പ്രകാരം അവസാനത്തെ ആറുമാസം കോൺഗ്രസ് അംഗത്തിന് പ്രസിഡന്റ്, വൈസ് പ്രസിഡന്റ് പദം നൽകാനായിരുന്നു രാജി. സിപിഐ സ്ഥാനാർഥി രംഗത്ത് എത്തിയതോടെ യുഡിഎഫ് മത്സരത്തിൽ നിന്ന് പിന്മാറുകയായിരുന്നു.