കോട്ടയം കലക്ടറേറ്റിൽ ബോംബ് വെച്ചെന്ന് ഭീഷണി,ഉറവിടം കണ്ടെത്താൻ ഊർജിത അന്വേഷണവുമായി പോലീസ്

കോട്ടയം; കലക്ടറേറ്റിൽ ബോംബ് വെച്ചെന്ന വ്യാജ ഭീഷണിയുടെ  ഉറവിടം കണ്ടെത്താൻ മൈക്രോസോഫ്റ്റ് ആസ്ഥാനത്തേക്കു ജില്ലാ പൊലീസ് കത്തയച്ചു.

അന്വേഷണത്തിനു പ്രത്യേക സംഘത്തിനു രൂപം നൽകി. ഐപി അഡ്രസ്സും ഉറവിടവും കണ്ടെത്താനാണ്  കത്ത് നൽകിയത്. വ്യാഴാഴ്ച 11.30നാണ് കലക്ടറേറ്റിൽ ബോംബ് വെച്ചെന്ന ഇമെയിൽ സന്ദേശം പൊലീസിനു ലഭിച്ചത്. 12.30 മുതൽ 2.30 വരെ പരിശോധന തുടർന്നു.

പ്രധാനപ്പെട്ട ഓഫിസുകളിൽ ഡോഗ് സ്ക്വാഡ് പരിശോധന നടത്തിയിരുന്നു. കോടതികളുടെ പ്രവർത്തനം തടസ്സപ്പെട്ടില്ല. മറ്റ് ഓഫിസിലെ ജീവനക്കാരെ പുറത്തിറക്കി വിശദമായ പരിശോധന നടത്തിയിരുന്നു.