കാണിക്കവഞ്ചി കുത്തിപൊളിച്ചു പണം കവർന്ന സംഭവത്തിൽ രണ്ടുപേരെ വർക്കല പൊലീസ് അറസ്റ്റ് ചെയ്തു

വർക്കല വെട്ടൂർ കുമാരുവിളാകം ഭഗവതി ക്ഷേത്രത്തിലെ വലിയ കാണിക്കവഞ്ചി കുത്തിപൊളിച്ചു പണം കവർന്ന സംഭവത്തിൽ രണ്ടുപേരെ വർക്കല പൊലീസ് അറസ്റ്റ് ചെയ്തു. 

താഴെവെട്ടൂർഅക്കരവിള തെമ്പുകത്തു വീട്ടിൽ ഷിഹാബ്(18) , താഴെവെട്ടൂർ കാട്ടിൽവിള വീട്ടിൽ അസീം(19) എന്നിവരാണ് അറസ്റ്റിലായത്. ഇക്കഴിഞ്ഞ 22നാണ് കേസിനസ്പദമായ സംഭവം. 

ക്ഷേത്രത്തിലെ സ്റ്റോർ റൂം കുത്തി തുറന്ന് കവർച്ച നടത്തിയതായും സ്റ്റീലിന്റെ ചില കാണിക്കവഞ്ചികൾ പ്രതികൾ എടുത്തുകൊണ്ട് പോയതായും ക്ഷേത്രഭാരവാഹികൾ നല്കിയ പരാതിയിൽ പറയുന്നു. അറസ്റ്റിലായ പ്രതികളെ കോടതിയിൽ ഹാജരാക്കി റിമാന്റ് ചെയ്തു.