കാട്ടാനയെ കണ്ട് ഭയന്നോടിയ ആൾ കുഴഞ്ഞുവീണു മരിച്ചു

കോതമംഗലം :  കാട്ടാനയെ കണ്ട് ഭയന്നോടിയ ആൾ കുഴഞ്ഞുവീണു മരിച്ചു. ചക്കനാനിക്കൽ സി.എം.പ്രകാശാണ് മരിച്ചത്.

കോതമംഗലം കുട്ടമ്പുഴ പിണവൂർകുടിയിലാണു സംഭവം. ഇന്നലെ രാത്രി ഒരു മണിയോടെ വീടിന് സമീപം എത്തിയ കാട്ടാനയെ ഓടിക്കാന്‍ ശ്രമിക്കുന്നതിനിടെ ആന പ്രകാശിനും സുഹൃത്തുക്കൾക്കും നേരെ തിരിഞ്ഞു.

ഭയന്ന് ഓടിയതിനു പിന്നാലെയാണു കുഴഞ്ഞുവീണത്. ആശുപത്രിയില്‍ എത്തിച്ചപ്പോഴേക്കും മരണം സംഭവിച്ചിരുന്നു. മൃതദേഹം കോതമംഗലം ബസേലിയോസ് ആശുപത്രിയിലേക്കു മാറ്റി.