കോട്ടയം ചെസ് അക്കാദമി സംഘടിപ്പിക്കുന്ന രാജ്യാന്തര ഗ്രാൻഡ്മാസ്റ്റർ ഓപ്പൺ ചെസ് ടൂർണമെന്റിന് ഇന്നു കോട്ടയത്തു തുടക്കം

കോട്ടയം : കോട്ടയം ചെസ് അക്കാദമി സംഘടിപ്പിക്കുന്ന രാജ്യാന്തര ഗ്രാൻഡ്മാസ്റ്റർ ഓപ്പൺ ചെസ് ടൂർണമെന്റിന് ഇന്നു കോട്ടയത്തു തുടക്കം. 16 രാജ്യങ്ങളിൽ നിന്നു 232 താരങ്ങൾ പങ്കെടുക്കുന്ന ടൂർണമെന്റ് മേയ് 7 വരെയാണ്.

ഫിഡെ റേറ്റിങ്ങിൽ 1400നു മുകളിലുള്ളവർ പങ്കെടുക്കുന്ന കാറ്റഗറി എ വിഭാഗത്തിനൊപ്പം റേറ്റിങ്ങിൽ താഴെ നിൽക്കുന്നവർക്കും റേറ്റിങ് ഇല്ലാത്തവർക്കുമായുള്ള കാറ്റഗറി ബി മത്സരങ്ങൾ മേയ് ഒന്നു മുതൽ 3 വരെയും നടക്കും.

കാറ്റഗറി എ മത്സരങ്ങൾ കോട്ടയം കഞ്ഞിക്കുഴി കോർട്ട് യാഡ് ബാൻക്വിറ്റ് ഹാളിലും കാറ്റഗറി ബി മത്സരങ്ങൾ കോട്ടയം എസ്എച്ച് മൗണ്ട് ഐതൗസ കൺവൻഷൻ സെന്ററിലുമാണു നടക്കുന്നത്. ആകെ സമ്മാനത്തുക 30 ലക്ഷം രൂപ.