കേരളാ സില്‍സില നൂരിയ്യ ത്വരീഖത്ത് സമ്മേളനം ഇന്ന് സമാപിക്കും.

പരപ്പനങ്ങാടി: ദീനിന്റെ അകവും പുറവും എന്ന പ്രമേയത്തില്‍ നടക്കുന്ന കേരളാ സില്‍സില നൂരിയ്യ ത്വരീഖത്ത് സമ്മേളനത്തിന് തുടക്കമായി. റെയില്‍വേ സ്‌റ്റേഷന് സമീപം സയ്യിദ് മുഹമ്മദ് ആരിഫുദ്ധീന്‍ ജീലാനി നഗറില്‍ ചിശ്തി ഖാദിരി ത്വരീഖത്ത് ആത്മീയ ഗുരു സയ്യിദ് അഹ്മദ് മുഹിയിദ്ദീന്‍ നൂരിഷാഹ് സാനി തങ്ങള്‍ ഹൈദരാബാദ് ഉദ്ഘാടനം ചെയ്തു.

സയ്യിദ് അഹമ്മദ് മസ്ഹുദ്ദീന്‍ ജീലാനി ഹൈദരാബാദ്, സില്‍സില നൂരിയ്യ സംസ്ഥാന പ്രസിഡന്റ് മൗലാനാ യൂസുഫ് നിസാമി ശാഹ് സുഹൂരി, ജനറല്‍ സെക്രട്ടറി എ കെ അലവി മുസ്‌ല്യാര്‍, സി എം അബ്ദുല്‍ ഖാദിര്‍ മുസ്‌ല്യാര്‍ മാണൂര്‍, മുഹ്‌യിദ്ദീന്‍ കുട്ടി മുസ്‌ല്യാര്‍ പെരുവയല്‍, മുഹമ്മദ് നാനാക്കല്‍, അബ്ദുല്‍ കാദര്‍ മുസല്യാര്‍ കണ്ണൂര്‍ സംസാരിച്ചു. ഇന്ന് വൈകിട്ട് 7ന് ഉള്ളണം സുഹൂരിശാഹ് നൂരി നഗറിലാണ് സമാപന സമ്മേളനം.