സിവിൽ സർവീസ് സ്വപ്നങ്ങൾക്കായി സി എച് സെന്ററിൽ നിന്നും ‘ജൂനിയർ ഐ.എ.എസ് അക്കാദമി’: ഏപ്രിൽ 8ന് ഉദ്‌ഘാടനം..

നെല്ലിശ്ശേരി:          ജീവകാരുണ്യപ്രവർത്തനങ്ങളിൽ മാത്രം ശ്രദ്ധ കേന്ദ്രീകരിച്ചിരുന്ന സി എച് മുഹമ്മദ് കോയ (സി എച്) സെന്റർ, വിദ്യാഭ്യാസ രംഗത്തേക്ക് ശക്തമായ ചുവടുവെപ്പുമായി ‘ജൂനിയർ ഐ.എ.എസ് അക്കാദമി’ എന്ന പദ്ധതി ആരംഭിക്കുന്നു. നെല്ലിശ്ശേരി മേഖലയിൽ സ്ഥാപിതമായിരിക്കുന്ന അക്കാദമി, 2025 ഫെബ്രുവരി 8-ന് പെരിന്തൽമണ്ണ എം.എൽ.എ ശ്രീ. നജീബ് കാന്തപുരം ഉദ്‌ഘാടനം ചെയ്യും എന്ന് സി എച് സെന്റർ ഭാരവാഹികൾ വാർത്തസമ്മേളനത്തിൽ അറിയിച്ചു.

സിവിൽ സർവീസ് മുതൽ ക്ലെറിക്കൽ തസ്തികകൾ വരെയുള്ള സർക്കാർ ജോലികളിലേക്ക് വിദ്യാർത്ഥികളെ പ്രാപ്തരാക്കുക എന്ന ലക്ഷ്യത്തോടെ പെരിന്തൽമണ്ണയിൽ പ്രവർത്തിക്കുന്ന *ഹൈദർ അലി ശിഹാബ് തങ്ങൾ അക്കാദമി ഫോർ സിവിൽ സർവീസസ് (KREA)*യുടെ സഹകരണത്തോടെ ‘ജൂനിയർ ഐ.എ.എസ് അക്കാദമി’യുടെ പരിശീലനം നടക്കും. 7-ാം ക്ലാസ്സ് മുതൽ 10-ാം ക്ലാസ്സ് വരെ പഠിക്കുന്ന കുട്ടികൾക്കായി അവധി ദിവസങ്ങളിൽ (ശനിയാഴ്‌ച, ഞായറാഴ്‌ച) പരിശീലനം നടക്കും. പ്രവേശനം, AREA നടത്തുന്ന എഴുത്തുപരീക്ഷയുടെ അടിസ്ഥാനത്തിലായിരിക്കും.

വിദ്യാഭ്യാസ കുതിച്ചുചാട്ടം: നെല്ലിശ്ശേരിയുടെ അഭിമാനയാത്ര വാർത്തസമ്മേളനത്തിൽ സംസാരിച്ച സി എച് സെന്റർ വിദ്യാഭ്യാസ സമിതി ചെയർമാൻ മൂസ മാസ്റ്റർ പറഞ്ഞു: "ഒരു കാലത്ത് വിദ്യാഭ്യാസപരമായി പിന്നോക്കം നിന്ന നെല്ലിശ്ശേരി ഇന്ന് എൽ.പി സ്കൂളിൽ നിന്നുമാരംഭിച്ച വിദ്യാഭ്യാസ് കുതിപ്പിൽ വലിയ മുന്നേറ്റം കൈവരിച്ചു. 1979 ന് മുൻപ്  ഇവിടെ എൽ.പി സ്കൂൾ മാത്രമുണ്ടായിരുന്ന സാഹചര്യത്തിൽ, തുടർന്ന് യു.പി സ്കൂൾ, ടെക്‌നിക്കൽ സ്കൂൾ, പ്ലസ്ടു വിഭാഗം, അപ്ലൈഡ് സയൻസ് കോളേജ് എന്നിവ സ്ഥാപിതമാകുകയും, അവിടുത്തെ വിദ്യാർത്ഥികൾ വിവിധ മേഖലയിലായി തിളങ്ങി നിലകൊള്ളുകയും ചെയ്തിട്ടുണ്ട്.

""വിദേശരാജ്യങ്ങളിൽ ജോലി തേടുന്ന പുതിയ തലമുറയ്ക്ക് സമുദായഭേദമില്ലാതെ സർക്കാർ മേഖലയിൽ അവസരങ്ങൾ തെളിയിക്കുകയാണ് ഈ അക്കാദമിയുടെ ലക്ഷ്യം" എന്ന് ഭാരവാഹികൾ വ്യക്തമാക്കി. ശിഹാബ് തങ്ങൾ റിലീഫ് പ്രവർത്തനങ്ങളിലൂടെയും വിദ്യാഭ്യാസ സഹായങ്ങളിലൂടെയും ശ്രദ്ധേയമായ സി എച് സെന്റർ, പണിയാൻ പോകുന്ന പരിശീലന കേന്ദ്രം, ഉന്നത മൽസര പരീക്ഷകൾക്കായി കാത്തിരിക്കുന്ന വിദ്യാർത്ഥികൾക്ക് പ്രതീക്ഷയുടെ വാതായനം തുറക്കുന്നു.

പ്രശസ്തരായ സിവിൽ സർവീസ് പരിശീലകരുടെ നേതൃത്വത്തിൽ ക്ലാസുകൾ നടക്കും. അനുഭവ സമ്പന്നരായ അധ്യാപകർ ക്ലാസുകൾക്ക് നേതൃത്വം നൽകുന്നതായി ഭാരവാഹികൾ അറിയിച്ചു. ഓരോ കുടുംബവും സ്വപ്നം കാണുന്ന സർക്കാർ ജോലികൾ ഇപ്പോൾ കുട്ടിക്കാലം മുതൽ തന്നെ ലക്ഷ്യമിടാവുന്ന സാക്ഷാത്കാരമാവുകയാണ്. ജൂനിയർ ഐ.എ.എസ് അക്കാദമിയുടെ ഔപചാരിക ഉദ്ഘാടനം 2025 ഏപ്രിൽ ആദ്യവാരത്തിൽ, സാംസ്‌കാരിക നേതാക്കളുടെയും പൊതുപ്രവർത്തകരുടെയും സാന്നിധ്യത്തിൽ ശ്രീ. നജീബ് കാന്തപുരം എം.എൽ.എ നിർവഹിക്കും

എം കെ ഇബ്രാഹിം, മെയ്തു ബിന്‍ കുഞ്ഞുട്ടി, റിട്ടേ. അധ്യാപകന്‍ മൂസ, വട്ടംകുളം പഞ്ചായത്തംഗങ്ങളായ കഴുങ്ങില്‍ മജീദ്, ഹസൈനാര്‍ നെല്ലിശ്ശേരി, യു വി സിദ്ധീഖ്, അബ്ദുള്‍ റസാക്ക്, ഹൈദര്‍ ബിന്‍ മൊയ്തു. കുഞ്ഞുമുഹമ്മദ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.