കേരളത്തിലെ പല പ്രദേശങ്ങളിലും വരും ദിവസങ്ങളിൽ കനത്ത മഴയ്ക്ക് സാധ്യത. ഏപ്രിൽ 26 മുതൽ ഏപ്രിൽ 29 വരെ വിവിധ പ്രദേശങ്ങളിൽ മഴയും ശക്തമായ കാറ്റും ഇടിമിന്നലും ഉണ്ടാകാൻ സാധ്യതയുണ്ട്. വടക്കൻ കേരളത്തിൽ കഴിഞ്ഞ കുറച്ച് ദിവസങ്ങളായി താപനില വർദ്ധിച്ചു വരുന്ന സാഹചര്യമാണ്. വരും ദിവസങ്ങളിൽ ഈ ജില്ലകളിലെ നിവാസികൾക്ക് ചുട്ടുപൊള്ളുന്ന ചൂടിൽ നിന്ന് ആശ്വാസമായി മഴ ലഭിക്കും.
തിരുവനന്തപുരം, കൊല്ലം, പത്തനംതിട്ട, കോട്ടയം എന്നിവയുൾപ്പെടെ നിരവധി ജില്ലകളിൽ വരും ദിവസങ്ങളിൽ കനത്ത മഴയ്ക്ക് സാധ്യതയുണ്ട്. കൂടാതെ വയനാട്, കണ്ണൂർ ജില്ലകളിൽ ഏപ്രിൽ 28 ന് കനത്ത മഴ ലഭിക്കുമെന്നും മലപ്പുറം, വയനാട് ജില്ലകളിൽ ഏപ്രിൽ 29 ന് കനത്ത മഴ ലഭിക്കുമെന്നും IMD അറിയിച്ചു.ഈ ജില്ലകൾക്ക് കടുത്ത ചൂടിൽ നിന്ന് ആശ്വാസം ലഭിക്കുമെന്നും മെയ് ആദ്യ ആഴ്ച മുതൽ താപനില വീണ്ടും ഉയരാൻ സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നൽകുന്നു.എന്നിരുന്നാലും, വരും ദിവസങ്ങളിൽ സംസ്ഥാനത്തെ പല ജില്ലകളിലും രണ്ട് മുതൽ മൂന്ന് ഡിഗ്രി വരെ താപനില ഉയരാൻ സാധ്യതയുണ്ട്. ഏഴ് ജില്ലകളിൽ കാലാവസ്ഥാ വകുപ്പ് യെല്ലോ അലർട്ട് പുറപ്പെടുവിച്ചിട്ടുണ്ട്. ഈ ജില്ലകളിൽ താപനില ഇനിയും ഉയരുമെന്ന് imd കൂട്ടിച്ചേർത്തു. എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് എന്നിവയുൾപ്പെടെ ഒന്നിലധികം ജില്ലകളിൽ താപനില ഇനിയും ഉയരുമെന്ന് ഐഎംഡി അറിയിച്ചു.ശനി, ഞായർ ദിവസങ്ങളിൽ പാലക്കാട്, കോഴിക്കോട് ജില്ലകളിൽ പരമാവധി താപനില 37 ഡിഗ്രി സെൽഷ്യസായി രേഖപ്പെടുത്താൻ സാധ്യത, എറണാകുളം, തൃശൂർ, മലപ്പുറം, കണ്ണൂർ, കാസർകോട് ജില്ലകളിൽ പരമാവധി താപനില 36 ഡിഗ്രി സെൽഷ്യസായി ഉയരാനും സാധ്യതയുണ്ട്. ഇതിനുപുറമെ, തമിഴ്നാട്ടിലെ നിരവധി ജില്ലകളിൽ വരും ദിവസങ്ങളിൽ മഴ ലഭിക്കാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.