ഹൃദയാഘാതം; പ്രവാസി മലയാളി റിയാദിൽ അന്തരിച്ചു

റിയാദ്: ഹൃദയാഘാതത്തെ തുടർന്ന് പ്രവാസി മലയാളി റിയാദിൽ അന്തരിച്ചു.

എറണാകുളം, പെരുമ്പാവൂർ സൗത്ത് സ്വദേശി വല്ലം ജമാഅത്തിൽ മൂക്കട ഷെമീർ(50) ആണ് മരിച്ചത്. പരേതനായ അദ്രു, ആബിദ എന്നിവരാണ് മാതാപിതാക്കൾ. ഭാര്യ: ആബിദ സമീർ. മക്കൾ: മുഹമ്മദ് ശബാൻ, മുഹമ്മദ് റിസ്വാൻ, സൈനുൽ ആബിദ്.

മൃതദേഹം നാട്ടിലെത്തിക്കുന്നതിനുള്ള നടപടികൾ റിയാദ് എറണാകുളം ജില്ല കെഎംസിസി പ്രസിഡന്റ് ഉസ്മാൻ പരീദ്, ജനറൽ സെക്രട്ടറി മുജീബ്, റിയാദ് മലപ്പുറം ജില്ല കെഎംസിസി വെൽഫെയർ വിങ് ചെയർമാൻ റഫീഖ് ചെറുമുക്ക്, ജനറൽ കൺവീനർ റിയാസ് ചിങ്ങത്ത് എന്നിവരുടെ നേതൃത്വത്തിൽ പുരോഗമിക്കുകയാണ്. സംസ്ക്കാരം പിന്നീട് നാട്ടിൽ നടത്തും.