മുനമ്പത്ത് യുവാവിനെ മരിച്ച നിലയിൽ; കൊലപാതകം എന്ന് പൊലീസ് സ്ഥിരീകരിച്ചു

കൊച്ചി: എറണാകുളം വൈപ്പിനിലെ മുനമ്പത്ത് യുവാവിനെ മരിച്ച നിലയിൽ കണ്ടെത്തിയ സംഭവം കൊലപാതകം എന്ന് പൊലീസ് സ്ഥിരീകരിച്ചു.

കേസിൽ മുനമ്പം സ്വദേശി സനീഷിനെ അറസ്റ്റ് ചെയ്തു. മരിച്ച സ്മിനോയും സനീഷും സുഹൃത്തുക്കളാണ്. സ്മിനോയെ സനീഷ് മഴു ഉപയോഗിച്ചു തലയിൽ വെട്ടിയാണ് കൊലപ്പെടുത്തിയത്.

കഴിഞ്ഞ ദിവസമാണ് മുനമ്പത്ത് വീടിനുള്ളിൽ സ്മിനോയെ മരിച്ച നിലയിൽ കണ്ടെത്തിയത്. സംഭവ സ്ഥലത്ത് നിന്ന് സ്മിനോയുടെ മാലയും മൊബൈൽ ഫോണും നഷ്ടപ്പെട്ടിരുന്നതായി കണ്ടെത്തിയിരുന്നു.

അതുകൊണ്ട് തന്നെ മോഷണ ശ്രമമത്തിനിടിയിൽ യുവാവ് കൊല്ലപ്പെട്ടതാവാമെന്നായിരുന്നു പ്രാഥമിക നി​ഗമനം.