ബാലരാമപുരത്ത് തടിമില്ലിന് തീ പിടിച്ച് ലക്ഷങ്ങളുടെ നാശനഷ്ടം.

ബാലരാമപുരം: ബാലരാമപുരം മുക്കംപാലം മൂട്ടില്‍ തടിമില്ലിന് തീ പിടിച്ച് ലക്ഷങ്ങളുടെ നാശനഷ്ടം.

ഇന്ന് പുലര്‍ച്ചെയോടെയാണ് മില്ലിന് തീപിടിച്ചത്.പതിനഞ്ച് ലക്ഷം രൂപയിലെറെ നാശാനഷ്ടമുണ്ടായതായാണ് പ്രാഥമിക നിഗമനം. ബാലരാമപുരം സ്വദേശി അനില്‍കുമാര്‍ നടത്തിവന്നിരുന്ന മില്ലിനാണ് തീപിടിച്ചത്.

പുലര്‍ച്ചെ മൂന്ന് മണിയോടെ നെയ്യാറ്റിന്‍കരയില്‍ നിന്നും കാട്ടക്കടയില്‍ നിന്നും ഫയര്‍ഫോഴ്‌സെത്തി തീ കെടുത്തിയത്.തീപിടിത്തത്തിന് ഇടയാക്കിയ കാരണം അന്വേഷണത്തിലൂടെ മാത്രമെ വ്യക്തമാകു.ഷോര്‍ട്ട് സര്‍ക്യൂട്ടാകാനുള്ള സാധ്യതയും ഏറെയാണെന്നാണ് പ്രാഥമിക നിഗമനം.