പരാതിയിൽ പറയുന്ന നടന്റെ പേര് പുറത്തുവിട്ടത് ശരിയായ നടപടിയല്ലെന്ന് നടി വിൻ സി. അലോഷ്യസ്

പരാതിയിൽ പറയുന്ന നടന്റെ പേര് പുറത്തുവിട്ടത് ശരിയായ നടപടിയല്ലെന്ന് നടി വിൻ സി. അലോഷ്യസ്. സിനിമാ സംഘടനകളിന്മേലുള്ള വിശ്വാസം നഷ്ടപ്പെട്ടുവെന്നും നടൻ ഭാഗമായ സിനിമകളുടെ ഭാവിയെ ഈ പ്രശ്നം ബാധിക്കുമെന്ന ആശങ്ക തനിക്കുണ്ടെന്നും വിൻ സി. മാധ്യമങ്ങളോട് പ്രതികരിച്ചു.

‘‘രാവിലെ മുതൽ മാധ്യമങ്ങളിൽ വരുന്നത് കാണുന്നുണ്ട്. ഞാൻ എനിക്ക് നേരിട്ട ബുദ്ധിമുട്ടിനെക്കുറിച്ചുള്ള പരാതി സംഘടനകൾക്കാണ് കൊടുത്തത്. മാധ്യമങ്ങൾക്ക് മുന്നിൽ സിനിമയുടെ പേരോ വ്യക്തിയുടെ പേരോ പറഞ്ഞിട്ടില്ല. മാധ്യമങ്ങളിൽ വരുന്ന വാർത്തകളുടെ സത്യാവസ്ഥ ഞാൻ അന്വേഷിക്കും, അതിനു ശേഷം ഇതിൽ ഉൾപ്പെട്ടത് ആരാണോ അവർക്ക് കൊടുത്ത പരാതി പിൻവലിക്കുന്നതിനെപ്പറ്റി തീരുമാനിക്കും.

ഞാൻ എനിക്ക് നേരിട്ട ബുദ്ധിമുട്ടിനെക്കുറിച്ചുള്ള പരാതി സംഘടനകൾക്കാണ് കൊടുത്തത്. മാധ്യമങ്ങൾക്ക് മുന്നിൽ സിനിമയുടെ പേരോ വ്യക്തിയുടെ പേരോ പറഞ്ഞിട്ടില്ല. മാധ്യമങ്ങളിൽ വരുന്ന വാർത്തകളുടെ സത്യാവസ്ഥ ഞാൻ അന്വേഷിക്കും, അതിനു ശേഷം ഇതിൽ ഉൾപ്പെട്ടത് ആരാണോ അവർക്ക് കൊടുത്ത പരാതി പിൻവലിക്കുന്നതിനെപ്പറ്റി തീരുമാനിക്കും. ഞാൻ സിനിമയുടെ പേരിലും എന്റെ പേരിലും നൽകിയ പരാതി എവിടെയൊക്കെയാണ് എന്ന് എനിക്ക് വ്യക്തമായി അറിയാം. ഞാൻ അഭിനയിച്ച സിനിമയുടെ ഐസിസിയിലും അതുപോലെ ഫിലിം ചേംബറിന്റെ മോണിറ്ററിങ് കമ്മറ്റിയിലേക്കും പ്രൊഡ്യൂസേഴ്‌സ് അസോസിയേഷനിലും ‘അമ്മ’ സംഘടനയിലും ആണ് പരാതി നൽകിയത്.