പൊന്നാനി: ഈ വേനലവധി പൊന്നാനിയിലെ നാട്ടുകാർക്ക് കുറഞ്ഞ ചിലവിൽ ആഘോഷമാക്കാൻ KSRTC പൊന്നാനി ഡിപ്പോ ബഡ്ജറ്റ് ടൂറിസം സെല്ലിന്റെ നേതൃത്വത്തിൽ ഏപ്രിൽ മാസത്തിൽ ഉല്ലാസ യാത്രകൾ സംഘടിപ്പിക്കുന്നു.
പൊന്നാനി പരിസര പ്രദേശങ്ങളായ തിരൂർ, എടപ്പാൾ, കുറ്റിപ്പുറം, ചങ്ങരംകുളം എന്നിവിടങ്ങളിൽ നിന്നുള്ളവർക്ക് ഒറ്റയ്ക്കും, കുടുംബത്തോടൊപ്പവും, സുഹൃത്തുക്കളോടൊപ്പവും ഈ യാത്രകളിൽ പങ്കെടുക്കാം. ഏകദിന, ദ്വിദിന യാത്രകളാണ് പ്രധാനമായും സംഘടിപ്പിക്കുന്നത്.
രാവിലെ തുടങ്ങി രാത്രിയോടെ തിരിച്ചെത്തുന്ന ഏകദിന യാത്രകളിൽ നെല്ലിയാമ്പതി, മലക്കപ്പാറ, വയനാട് എന്നിവിടങ്ങളാണ് ഉൾപ്പെടുത്തിയിരിക്കുന്നത്. ഗവി, വയനാട്, മൂന്നാർ, മറയൂർ, വാഗമൺ എന്നിവിടങ്ങളിലേക്ക് ദ്വിദിന യാത്രകളും ഒരുക്കിയിട്ടുണ്ട്.
കൊച്ചിയിൽ കടലിൽ 5 മണിക്കൂർ ആഡംബര കപ്പൽ യാത്ര, കുട്ടനാടിന്റെ സൗന്ദര്യം ആസ്വദിക്കാൻ ആലപ്പുഴ ഹൗസ് ബോട്ട് യാത്ര, കൊച്ചി കായലിൽ സൂര്യാംശു, പലയ്ക്കാരി കടമക്കൂടി ബോട്ട് യാത്രകൾ, സിൽവർസ്റ്റോം-സ്നോസ്റ്റോം പാക്കേജുകൾ എന്നിവയും ഈ മാസത്തെ യാത്രകളിൽ ഉൾപ്പെടുന്നു.
യാത്രകളിൽ പങ്കെടുക്കാൻ ആഗ്രഹിക്കുന്നവർ സീറ്റുകൾ മുൻകൂട്ടി ബുക്ക് ചെയ്യേണ്ടതാണ്. ബുക്കിംഗിനായി 8075684959(cals only,9497345669(വാട്‌സ്ആപ്പ് മാത്രം) എന്നീ നമ്പറുകളിൽ ബന്ധപ്പെടാവുന്നതാണ്. കുറഞ്ഞ ചിലവിൽ മനോഹരമായ കാഴ്ചകൾ ആസ്വദിക്കാൻ ഈ അവസരം ഉപയോഗപ്പെടുത്താവുന്നതാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.