'ഭഗവാനില്ലാത്ത അയിത്തം തന്ത്രി കുടുംബാംഗങ്ങൾക്ക്,ഈഴവ യുവാവിനോട് ജാതി വിവേചനം കാണിച്ച സംഭവത്തിൽ മനുഷ്യാവകാശ കമ്മിഷൻ സ്വമേധയാ കേസെടുത്തു

തൃശൂർ: കൂടൽമാണിക്യം ക്ഷേത്രത്തിലെ ജാതി വിവേചനത്തിൽ മനുഷ്യാവകാശ കമ്മിഷൻ സ്വമേധയാ കേസെടുത്ത് അന്വേഷണത്തിന് ഉത്തരവിട്ടു.

കൊച്ചിൻ ദേവസ്വം കമ്മീഷണറും കൂടൽമാണിക്യം എക്‌സിക്യൂട്ടീവ് ഓഫീസറും അന്വേഷണം നടത്തി രണ്ടാഴ്‌ചയ്ക്കകം റിപ്പോർട്ട് നൽകണമെന്നാണ് കമ്മിഷൻ അംഗം വി ഗീത ആവശ്യപ്പെട്ടിരിക്കുന്നത്.

ദേവസ്വം റിക്രൂട്ട്‌മെന്റ് ബോർഡ് നടത്തിയ പരീക്ഷ ജയിച്ച് കഴകം തസ്‌തികയിൽ നിയമിതനായ പിന്നാക്ക സമുദായാംഗത്തെ തന്ത്രിമാരുടെ പ്രതിഷേധത്തെ തുടർന്ന് ജോലിയിൽ നിന്ന് മാറ്റി നിർത്തിയ സംഭവത്തിലാണ് മാദ്ധ്യമ വാർത്തകളുടെ അടിസ്ഥാനത്തിൽ കമ്മിഷൻ കേസെടുത്തത്.

ഇരിങ്ങാലക്കുട കൂടൽമാണിക്യം ക്ഷേത്രത്തിലെ കഴകം ജീവനക്കാരനായി ഫെബ്രുവരി 24ന് നിയമിതനായ ഈഴവ സമുദായാംഗം ബി.വി. ബാലുവിനാണ് ജാതിവിവേചനം നേരിടേണ്ടി വന്നത്. 

ബാലുവിനെ ഓഫീസ് ജോലിയിലേയ്ക്ക് മാറ്റുകയായിരുന്നു. തന്ത്രിമാരുടെയും വാര്യർസമാജത്തിന്റെയും എതിർപ്പിനെ തുടർന്നായിരുന്നു ഇത്. ഇരിങ്ങാലക്കുടയിലെ ആറു തന്ത്രി കുടുംബാംഗങ്ങൾ ക്ഷേത്ര ചടങ്ങുകളിൽ നിന്ന് അന്നുമുതൽ മാറിനിൽക്കുകയും ചെയ്തിരുന്നു.

അതേസമയം, ദേ​വ​സ്വം​ ​ബോ​ർ​ഡ് ​വ​ഴി​ ​ക​ഴ​ക​ ​ജോ​ലി​ക്ക് ​പ്ര​വേ​ശി​ച്ച​ ​ഈ​ഴ​വ സമുദായംഗത്തിന് ​ഭ്ര​ഷ്ട് ​ക​ല്പി​ച്ച​ ​കൂ​ട​ൽ​മാ​ണി​ക്യം​ ​ക്ഷേ​ത്ര​ത്തി​ലെ​ ​ത​ന്ത്രി​മാ​ർ​ക്കെ​തി​രെ​ ​ന​ട​പ​ടി​ ​സ്വീ​ക​രി​ക്ക​ണ​മെ​ന്ന് ​ഈ​ഴ​വ​ ​മു​ന്നേ​റ്റ​ ​സ​മി​തി​ ​സം​സ്ഥാ​ന​ ​ക​മ്മി​റ്റി​യോ​ഗം​ ​ആ​വ​ശ്യ​പ്പെ​ട്ടു.​ 

28​ ​ശ​ത​മാ​നം​ ​വ​രു​ന്ന​ ​ഈ​ഴ​വ​രെ​ ​കാ​ല​ഘ​ട്ടം​ ​മാ​റി​യ​ത​റി​യാ​തെ​ ​ഇ​ന്നും​ ​അ​ടി​മ​ക​ളാ​യി​ ​കാ​ണു​ന്ന​ ​സ​മീ​പ​നം​ ​അം​ഗീ​ക​രി​ക്കാ​നാ​വി​ല്ല.​ ​പു​രോ​ഗ​മ​ന​ ​വാ​ദ​വും​ ​മ​തേ​ത​ര​ത്വം​ ​പ​റ​യു​മ്പോ​ഴും​ ​ഇ​പ്പോ​ഴും​ ​പ​ല​രു​ടെ​യും​ ​മ​ന​സ് ​നൂ​റ്റാ​ണ്ടു​ക​ൾ​ ​പി​ന്നി​ലാ​ണ്.​ ​ഇ​ത്ത​രം​ ​അ​സം​ബ​ന്ധ​ങ്ങ​ൾ​ ​അം​ഗീ​ക​രി​ക്കി​ല്ലെ​ന്നും അ​സ​മ​ത്വ​ങ്ങ​ൾ​ക്കെ​തി​രേ​ ​ശ​ക്ത​മാ​യി​ ​പോ​രാ​ടു​മെ​ന്നും​ ​സം​സ്ഥാ​ന​ ​ക​മ്മി​റ്റി​യോ​ഗം​ ​അ​റി​യി​ച്ചു.​