കാട്ടുപന്നി ആക്രമണത്തില്‍ യുവാവിന് ഗുരുതര പരിക്ക്

നെയ്യാർഡാം: കള്ളിക്കാട് നാരകത്തിൻകുഴിയിൽ കൃഷിയിടത്തിൽ റബ്ബർ കറ എടുത്തുകൊണ്ടിരുന്ന യുവാവിനെ കാട്ടുപന്നി ആക്രമിച്ചു.

അഗസ്ത്യവനം ഫോറസ്റ്റ് ഓഫീസിൽ താൽക്കാലിക ജീവനക്കാരനായ സതീഷ് മോഹനനാണ് അപകടത്തിൽ പെട്ടത്. തലയ്ക്കും, തോളിലും, കൈയ്യ്ക്കും പരിക്കേറ്റ സതീഷിനെ നെയ്യാർഡാമിലെ പ്രാഥമിക ആശുപത്രിയിൽ പ്രവേശിപ്പിച്ച് ചികിത്സ നടത്തി.

തുടർന്ന് കള്ളിക്കാട് ഗ്രാമപഞ്ചായത്ത് പ്രസിഡൻറും ജനപ്രതിനിധികളും  വനം വകുപ്പ് ജീവനക്കാരും യുവാവിനെ ആശുപത്രിയിൽ സന്ദർശിച്ചു.

ഇടയ്‌ക്കിടക്ക് ഉള്ള രൂക്ഷമായ കാട്ടുപന്നി കൂട്ടത്തിൻ്റെ ശല്യത്തിൽ നിന്ന് സ്വത്തിനും ജീവനും സംരക്ഷണം നൽകണമെന്ന് പ്രദേശവാസികളായ കർഷകർ ആവശ്യപ്പെട്ടു.