തിരുവനന്തപുരം പൊൻമുടിയിൽ മദ്ധ്യവയസ്കയെ പീഡിപ്പിച്ച പ്രതി പിടിയിൽ

പൊൻമുടി: തിരുവനന്തപുരം പൊൻമുടിയിൽ മദ്ധ്യവയസ്കയെ പീഡിപ്പിച്ച പ്രതി പിടിയിൽ.

ഇന്നലെ രാത്രി 8 മണിയോടെയാണ് സംഭവം നടന്നത്.55 വയസുകാരിയാണ് പീഡനത്തിന് ഇരയായത്. കുളത്തുപ്പുഴ കല്ലുവെട്ടാൻകുഴി സ്വദേശി രാജൻ (52) ആണ് പീഡിപ്പിച്ചത്.

രാജനെ പോലീസ് കസ്റ്റഡിയിൽ എടുത്തു. മദ്ധ്യവയസ്കയുടെ ലയത്തിൽ അതിക്രമിച്ച് കയറി യായിരുന്നു പീഡിപ്പിച്ചു എന്നാണ് പരാതിയിൽ പറയുന്നത്. ഇവർ ലയത്തിൽ ഒറ്റയ്ക്ക് താമസിക്കുകയായിരുന്നു.

10 പേർക്ക് താമസിക്കാവുന്ന ലയങ്ങളാണ് ഇവിടെ ഉള്ളത്. ഇവർ രണ്ട് പേരും മാത്രമാണ് ഇപ്പോൾ ഈ ലയത്തിൽ താമസിക്കുന്നത്. മദ്ധ്യവയസ്ക തന്നെയാണ് പീഡന വിവരം ഇന്ന് രാവിലെ തൊട്ട് സമീപത്തെ ലയത്തിലുള്ളവരെ അറിയിച്ചത്.

പൊൻമുടി പോലീസ് മൊഴി രേഖപ്പെടുത്തി. പോലീസ് രാജനെ ചോദ്യം ചെയ്യുന്നു. ഒന്നര വർഷമായി രാജൻ ഇവിടെ എസ്റ്റേറ്റിലെ ജീവനക്കാരനാണ്.