തൃക്കണാപുരം ജി.എൽ.പി സ്കൂളിൽ വിപുലമായ പഠനോത്സവം സംഘടിപ്പിച്ചു

തൃക്കണാപുരം: ഗവൺമെൻ്റ് ലോവർ പ്രൈമറി സ്കൂളിൽ വിദ്യാർത്ഥികളുടെ സർഗ്ഗാത്മകവും വൈജ്ഞാനികവുമായ കഴിവുകൾ പ്രകടിപ്പിക്കുന്ന പഠനോത്സവം വിപുലമായ പരിപാടികളോടെ സംഘടിപ്പിച്ചു.

 തൃക്കണാപുരം ജി.എൽ.പി സ്കൂളിൽ നടന്ന പഠനോത്സവം തവനൂർ പഞ്ചായത്ത് വൈസ് പ്രസിഡൻ്റ് ശ്രീ. ടി.വി. ശിവദാസ് ഉദ്ഘാടനം ചെയ്യുന്നു.

വിദ്യാർത്ഥികളുടെ പഠനമികവ് വിളിച്ചോതുന്ന അവതരണങ്ങളും പ്രദർശനങ്ങളും ശ്രദ്ധേയമായി. ശാസ്ത്രീയമായ അന്വേഷണങ്ങൾ, ചിത്രരചനകൾ, കഥ, കവിത തുടങ്ങിയ സാഹിത്യരചനകൾ എന്നിവ പഠനോത്സവത്തിൻ്റെ ഭാഗമായി അരങ്ങേറി.

പ്രീ-പ്രൈമറി വിഭാഗത്തിൻ്റെ ശാസ്ത്രോത്സവവും ഗണിതോത്സവവും പരിപാടിയുടെ മാറ്റുകൂട്ടി.

തവനൂർ പഞ്ചായത്ത് വൈസ് പ്രസിഡൻ്റ് ശ്രീ. ടി.വി. ശിവദാസ് പഠനോത്സവം ഔദ്യോഗികമായി ഉദ്ഘാടനം ചെയ്തു.

പി.ടി.എ പ്രസിഡൻ്റ് ശ്രീ. ഇബ്രാഹിം അധ്യക്ഷത വഹിച്ച ചടങ്ങിൽ ക്ഷേമകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ ശ്രീമതി. എ.പി. വിമല, പഞ്ചായത്തംഗങ്ങളായ ശ്രീ. സി. സബിൻ, ശ്രീ. എം. ബാലകൃഷ്ണൻ, ബി.ആർ.സി കോർഡിനേറ്റർ ശ്രീ. പി. വിശ്വംഭരൻ മാസ്റ്റർ, 

പ്രഥമാധ്യാപിക ശ്രീമതി. കെ. ദേവി, അധ്യാപകരായ ശ്രീമതി. സി.വി. ശോഭന, ശ്രീമതി. എം. ജയശ്രീ, ശ്രീമതി. ടി. ലത, ശ്രീമതി. ഇ. ഊർമിള, ശ്രീമതി. ഇ. ഷംല, ശ്രീ. പി. സുരേന്ദ്രൻ തുടങ്ങിയവർ ആശംസകൾ അർപ്പിച്ചു.