പൊന്നാനി: ലഹരി ഉപയോഗത്തിനെതിരെ ശക്തമായ പൊതു വികാരം ഉണർത്തുന്നതിനായി മുസ്ലിംലീഗ് പൊന്നാനി നിയോജക മണ്ഡലം നേതൃത്വത്തിൽ വിപുലമായ ബോധവൽക്കരണ പരിപാടികളും ലഹരി വിരുദ്ധ സംഗമവും സംഘടിപ്പിക്കുമെന്ന് ഭാരവാഹികളുടെ യോഗത്തിൽ തീരുമാനമായി. സമൂഹത്തിലെ വിവിധ മത, സാംസ്കാരിക സംഘടനാ പ്രതിനിധികളെയും കുടുംബങ്ങളെയും വിദ്യാർത്ഥികളെയും യുവജനങ്ങളെയും ഉൾപ്പെടുത്തിയാണ് പരിപാടികൾ സംഘടിപ്പിക്കുക.
ഏപ്രിൽ ആദ്യവാരത്തിൽ നടത്താൻ ലക്ഷ്യമിടുന്ന ഈ സംഗമത്തിൽ നിയോജക മണ്ഡലത്തിലെ മഹല്ല് കമ്മിറ്റി ഭാരവാഹികളും ലഹരി വിരുദ്ധ സംഘടനാ പ്രതിനിധികളും പങ്കെടുക്കും. ഓൾ ഇന്ത്യ ഹാജീസ് ഹെൽപ്പിംഗ് ഹാൻഡ്സിന്റെ നിയോജകമണ്ഡലം കോർഡിനേറ്ററായി ടി.കെ. അബ്ദുൽ റഷീദ് തിരഞ്ഞെടുക്കപ്പെട്ടപ്പോൾ,
ഹാജീസ് ഹെൽപ്പിംഗ് ഹാൻഡ്സ് ജില്ലാ കമ്മിറ്റിയുടെ നിർദ്ദേശപ്രകാരം ഏപ്രിൽ 20ന് മുമ്പായി ഹാജിമാരെ പങ്കെടുപ്പിച്ച് ഹജ്ജ് ക്ലാസും യാത്രയയപ്പും സംഘടിപ്പിക്കാനും യോഗം തീരുമാനിച്ചു.
പുറങ്ങ് മുസ്ലിംലീഗ് ഓഫീസിൽ നടന്ന യോഗത്തിൽ പ്രസിഡന്റ് പി.പി. യൂസഫലി അധ്യക്ഷനായപ്പോൾ, മുസ്ലിംലീഗ് നിയോജകമണ്ഡലം ജനറൽ സെക്രട്ടറി സി.എം. യൂസഫ്, ട്രഷറർ വി.വി. ഹമീദ്, ടി.കെ. അബ്ദുൽ റഷീദ്, ടി.എ. മജീദ്, ബഷീർ കക്കിടിക്കൽ, യു. മുനീബ്, കെ.ആർ. റസാക്ക് എന്നിവർ പങ്കെടുത്തു.
ഇതിനോടകം ഏപ്രിൽ 6ന് ഞായറാഴ്ച രാവിലെ 8.30 മുതൽ ഉച്ചയ്ക്ക് 3 മണി വരെ മണ്ഡലം മുസ്ലിംലീഗ് സമ്പൂർണ്ണ പ്രവർത്തകസമിതി യോഗം ചേരാനുണ്ടെന്നതും യോഗത്തിൽ അറിയിക്കപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.