പൊലീസിനെ കണ്ട് ഭയന്ന യുവാവ് എംഡിഎംഎ നിറച്ച പൊതികൾ വിഴുങ്ങി;

കോഴിക്കോട്: പൊലീസിനെ കണ്ട് ഭയന്നോടിയ യുവാവ് എംഡിഎംഎ വിഴുങ്ങി. മൈക്കാവ് സ്വദേശി ഷാനിദാണ് എംഡിഎംഎ നിറച്ച പൊതികൾ വിഴുങ്ങിയത്.
താമരശ്ശേരി പൊലീസിന്റെ പിടിയിലായപ്പോൾ ഷാനിദ് തന്നെയാണ് ഇക്കാര്യം വെളിപ്പെടുത്തിയത്.

അപകടം മനസ്സിലാക്കിയ പൊലീസ് ഉദ്യോഗസ്ഥർ ഇയാളെ ആദ്യം താമരശ്ശേരി താലൂക്ക് ആശുപത്രിയിലും പിന്നീട് ഡോക്ടർമാരുടെ നിർദേശത്തെ തുടർന്ന് കോഴിക്കോട് മെഡിക്കൽ കോളജ് ആശുപത്രിയിലും എത്തിച്ചു.

സിടി സ്കാൻ, എൻഡോസ്കോപ്പി പരിശോധനകളിലൂടെ ഷാനിദിന്റെ വയറിനുള്ളിൽ 2 ചെറിയ പ്ലാസ്റ്റിക് പൊതികൾ ഉണ്ടെന്ന് സ്ഥിരീകരിച്ചിട്ടുണ്ട്.

ഈ പൊതികളിൽ വെളുത്ത തരിപോലെയുള്ള വസ്തുവിന്റെ സാന്നിധ്യവും തിരിച്ചറിഞ്ഞു. ഇതിന് പിന്നാലെ ഷാനിദിനെതിരെ ലഹരിക്കടത്തുമായി ബന്ധപ്പെട്ട് പൊലീസ് കേസ് റജിസ്റ്റർ ചെയ്തു.