അടൂർ: 79-ാം വയസ്സിലും സംഗീതം അഭ്യസിച്ച് വാർദ്ധക്യത്തിലും ജീവിതം ആഘോഷമാക്കുകയാണ് എടപ്പാളിലെ അമ്മിണി വാസുദേവൻ. അടൂരിൽ ജനിച്ച് എടപ്പാളിനെ തന്റെ കർമ്മഭൂമിയാക്കിയ ഈ മുൻ അധ്യാപിക, വനിതാ ദിനത്തിൽ എല്ലാവർക്കും പ്രചോദനമാവുകയാണ്.
1972-ൽ അധ്യാപികയായി ഔദ്യോഗിക ജീവിതം ആരംഭിച്ച അമ്മിണി ടീച്ചർ, എടപ്പാളിലെ ഓതളൂർ ജി.യു.പി. സ്കൂൾ, ഇ.എം.യു.പി. സ്കൂൾ, വേങ്ങര ജി.എച്ച്.എസ്, പൈങ്കണ്ണൂർ ജി.യു.പി.എസ്, തുയ്യം ജി.എൽ.പി.എസ്, എടപ്പാൾ ജി.എൽ.പി.എസ് തുടങ്ങിയ വിദ്യാലയങ്ങളിൽ സേവനമനുഷ്ഠിച്ചിട്ടുണ്ട്. ഹിന്ദി ഒഴികെയുള്ള വിഷയങ്ങളിൽ അധ്യാപനം നടത്തി, ആയിരക്കണക്കിന് വിദ്യാർത്ഥികളുടെ പ്രിയപ്പെട്ട അധ്യാപികയായി മാറിയ അവർ, വിരമിച്ചതിനുശേഷവും അറിവിൻ്റെ ലോകത്ത് സജീവമാണ്.
മക്കളായ സുജനും ഉദയസാനുവും നൽകുന്ന പിന്തുണയാണ് അമ്മിണി ടീച്ചറുടെ ജീവിതത്തിലെ ഏറ്റവും വലിയ ശക്തി. കഴിഞ്ഞ എട്ട് മാസമായി സംഗീത അധ്യാപകനായ മണികണ്ഠൻ മൂതൂരിൽ നിന്നും സംഗീതം അഭ്യസിക്കുന്നു. ചെറുപ്പം മുതലേ സംഗീതം പഠിക്കണമെന്ന ആഗ്രഹമുണ്ടായിരുന്നെങ്കിലും ജീവിതത്തിലെ തിരക്കുകൾ കാരണം അതിന് സാധിച്ചില്ല.1999 മാർച്ചിൽ വിരമിച്ചതിന് ശേഷം, തന്റെ സ്വപ്നം സാക്ഷാത്കരിക്കാനുള്ള ശ്രമത്തിലാണ് അവർ. അമ്മിണി ടീച്ചറുടെ ഭർത്താവ് വാസുദേവനും അധ്യാപകനായിരുന്നു. മക്കളും ചെറുമക്കളുമെല്ലാം സംഗീതം അഭ്യസിക്കുന്നവരാണ്. കൊച്ചുമകൻ കീബോർഡ് വായിക്കുന്നതിൽ മിടുക്കനാണ്. കുടുംബത്തിലെ എല്ലാവരും സംഗീതത്തെ സ്നേഹിക്കുന്നവരാണ്.സംഗീതത്തിന് പുറമേ, അമ്മിണി ടീച്ചർ ഒരു മികച്ച കർഷക കൂടിയാണ്. തന്റെ പുരയിടത്തിൽ വിവിധതരം പച്ചക്കറികൾ കൃഷി ചെയ്യുന്നു. വിരമിക്കൽ എന്നത് ജീവിതത്തിൽ നിന്നുള്ള ഒഴിഞ്ഞുമാറലല്ലെന്നും, പുതിയ കാര്യങ്ങൾ പഠിക്കാനും ജീവിതം കൂടുതൽ മനോഹരമാക്കാനുമുള്ള അവസരമാണെന്നും അമ്മിണി ടീച്ചർ തെളിയിക്കുന്നു. വനിതാ ദിനത്തിൽ എല്ലാ സ്ത്രീകൾക്കും പ്രചോദനമാവുകയാണ് അമ്മിണി ടീച്ചറുടെ ജീവിതം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.