ഹൈദരാബാദ്: ഫെബ്രുവരി 22 ന് എട്ട് തൊഴിലാളികൾ കുടുങ്ങിയ തെലങ്കാനയിലെ നാഗർകുനൂലിലെ ബാങ്ക് കനാൽ (എസ്എൽബിസി) ടണലിനുള്ളിലെ അവശിഷ്ടങ്ങൾക്കിടയിൽ നിന്ന് 16 ദിവസത്തെ രക്ഷാപ്രവർത്തനങ്ങൾക്ക് ശേഷം ഒരു മൃതദേഹം കണ്ടെടുത്തു.
തെലങ്കാനയിലെ നാഗർകുർണൂൽ ടണൽ ദുരന്തത്തിന് പിന്നാലെ രക്ഷാ പ്രവർത്തനത്തിന് കേരള പൊലീസിന്‍റെ കഡാവർ നായകള്‍. രണ്ട് കഡാവർ നായകളെയും അവയെ പരിപാലിക്കുന്നവരെയും രക്ഷാപ്രവര്‍ത്തനത്തിനായി ഹൈദരാബാദിലേക്ക് അയച്ചു
ദേശീയ ദുരന്ത നിവാരണ അതോറിറ്റി (എൻ‌ഡി‌എം‌എ) കേരള സംസ്ഥാന ദുരന്ത നിവാരണ അതോറിറ്റിയോട് അഭ്യർഥിച്ചതിനെ തുടർന്നാണ് കഡാവര്‍ നായ്ക്കളെ അയയ്ക്കാൻ തീരുമാനിച്ചതെന്ന് മുഖ്യമന്ത്രിയുടെ ഓഫിസ് അറിയിച്ചു.
കേരളത്തിൽ നിന്ന് കൊണ്ടുവന്ന കേരള പൊലീസിന്‍റെ ഈ കഡാവർ നായകള്‍, വെള്ളിയാഴ്ച ഈ സ്ഥലങ്ങളിൽ മനുഷ്യാവശിഷ്ടങ്ങളുടെ സാന്നിധ്യം സ്ഥിരീകരിച്ചു.
ശനിയാഴ്ച രാത്രി മൃതദേഹം കണ്ടെത്തുമെന്ന് പ്രതീക്ഷിച്ച് ഉദ്യോഗസ്ഥർ ഒരു സ്ഥലത്ത് കുഴിയെടുക്കാൻ തുടങ്ങി. ഓപ്പറേറ്ററുടെ മൃതദേഹം അദ്ദേഹത്തിന്റെ വർക്ക്‌സ്റ്റേഷനിൽ കണ്ടെത്തിയില്ല, വെള്ളം കാരണം അത് താഴേക്ക് ഒഴുകിപ്പോയി. തുടര്‍ന്ന്‌, ഏഴ് സ്റ്റീൽ പ്ലേറ്റുകൾ അവർ കണ്ടെത്തി.
അതിനിടയില്‍ സിംഗരേണി കൊളിയറീസ് കമ്പനി ലിമിറ്റഡിലെ (SCCL) രക്ഷാപ്രവർത്തകർ മൃതദേഹം കണ്ടെത്തി. ശനിയാഴ്ചയാണ് മൃതദേഹം കണ്ടെത്തിയതെന്നും ഉടൻ തന്നെ കുഴിയെടുക്കൽ ശ്രമങ്ങൾ ആരംഭിച്ചതായും എസ്‌സിസിഎൽ ജനറൽ മാനേജർ വൈദ്യ പ്രാദേശിക മാധ്യമപ്രവർത്തകരോട് പറഞ്ഞു. ഗ്രൗണ്ട്-പെനെട്രേറ്റിംഗ് റഡാർ (ജിപിആർ) രണ്ട് സാധ്യതയുള്ള സ്ഥലങ്ങൾ തിരിച്ചറിഞ്ഞിട്ടുണ്ടെന്ന് വൈദ്യ വിശദീകരിച്ചു.
മൃതദേഹത്തിനു കേടുപാടുകൾ സംഭവിക്കാതിരിക്കാൻ സംഘം ശ്രദ്ധിച്ചു. "ഞായറാഴ്ച വൈകുന്നേരം മൃതദേഹം വീണ്ടെടുക്കുന്നതിന് മുമ്പ് ഞങ്ങൾ സ്റ്റീൽ പ്ലേറ്റുകൾ നീക്കം ചെയ്യാൻ രണ്ട് മണിക്കൂർ ചെലവഴിച്ചു," വൈദ്യ പറഞ്ഞു.
റോബിൻസ് ഇന്ത്യയിലെ എറക്റ്റർ ഓപ്പറേറ്ററായ ഗുർപ്രീത് സിംഗ് ആണ് മരിച്ചതെന്ന് രക്ഷാപ്രവർത്തകർ പറഞ്ഞു. തുരങ്കത്തിന്റെ തകർന്ന ഭാഗത്തിനുള്ളിൽ ഒരു മെഷീനിൽ കുടുങ്ങിക്കിടക്കുന്ന നിലയിലാണ് ഇയാളെ കണ്ടെത്തിയത്.
മൃതദേഹം പോസ്റ്റ്‌മോർട്ടത്തിനും മറ്റ് നടപടിക്രമങ്ങൾക്കുമായി നാഗർകുർനൂൽ സിവിൽ ആശുപത്രിയിലേക്ക് അയച്ചതായി ഒരു മുതിർന്ന ഉദ്യോഗസ്ഥൻ പറഞ്ഞു .
ഫെബ്രുവരി 22 ന് എട്ട് തൊഴിലാളികൾ എസ്എൽബിസി തുരങ്കത്തിനുള്ളിൽ കുടുങ്ങി, 16 ദിവസമായി രക്ഷാപ്രവർത്തനങ്ങൾ തുടരുകയാണ്. ശേഷിക്കുന്ന ഏഴ് തൊഴിലാളികൾക്കായുള്ള തിരച്ചിൽ തുടരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.