ഖത്തർ: ടെക് മഹീന്ദ്രയിലെ മുതിർന്ന ജീവനക്കാരനായ അമിത് ഗുപ്തയെ ജനുവരി ഒന്നിന് ഖത്തർ അധികൃതർ കസ്റ്റഡിയിലെടുത്തു.
ഖത്തറിന്റെ സ്റ്റേറ്റ് സെക്യൂരിറ്റിയാണ് ടെക്കിയെ കസ്റ്റഡിയിലെടുത്തത്. ഡാറ്റാ മോഷണ കേസുമായി ബന്ധപ്പെട്ട് ആണ് ഗുപ്തയെ കസ്റ്റഡിയിലെടുത്തതെന്ന് റിപ്പോർട്ടുകൾ പറയുന്നു.
ആരാണ് അമിത് ഗുപ്ത?
ടെക് മഹീന്ദ്രയിലെ മുതിർന്ന ജീവനക്കാരനാണ് അമിത് ഗുപ്ത. ഗുജറാത്തിലെ വഡോദരയിൽ നിന്നുള്ള അമിത് ഗുപ്ത 2013 ൽ ഖത്തറിന്റെ തലസ്ഥാനമായ ദോഹയിലേക്ക് താമസം മാറി.
അദ്ദേഹത്തിന്റെ ലിങ്ക്ഡ്ഇൻ പ്രൊഫൈൽ അനുസരിച്ച്, 2022 ഏപ്രിലിൽ ടെക് മഹീന്ദ്രയുടെ മേഖലാ തലവനായി അദ്ദേഹത്തെ നിയമിച്ചു.
ഗൾഫ് രാജ്യത്തിലെ ഇന്ത്യൻ മിഷൻ അദ്ദേഹത്തിന് എല്ലാ സഹായവും നൽകുന്നു. ഗുപ്തയുടെ തടങ്കലിനെക്കുറിച്ച് ഖത്തറിലെ ഇന്ത്യൻ എംബസിക്ക് അറിയാമെന്ന് ചില റിപ്പോര്‍ട്ടുകള്‍ വ്യക്തമാക്കുന്നു. ഗുപ്തയുടെ കുടുംബവുമായും അഭിഭാഷകനുമായും ഖത്തർ അധികൃതരുമായും എംബസി ബന്ധപ്പെട്ടിട്ടുണ്ടെന്ന് സ്ഥിരീകരിക്കാത്ത റിപ്പോര്‍ട്ട് സൂചിപ്പിക്കുന്നു.
ഗുപ്തയുടെ അമ്മ പറയുന്നതനുസരിച്ച്, ഖത്തറിലെ ഇന്ത്യൻ അംബാസഡറെ അവർ കണ്ടിരുന്നു, കേസിൽ ഇതുവരെ അനുകൂലമായ പ്രതികരണമൊന്നും ലഭിച്ചിട്ടില്ല. ഗുപ്തയുടെ മാതാപിതാക്കൾ ഒരു മാസമായി ഖത്തറിലാണെന്നും അദ്ദേഹത്തെ കാണാൻ ശ്രമിച്ചെങ്കിലും അവർ വിജയിച്ചില്ലെന്നും ബിജെപി എംപി ഹേമാങ് ജോഷി മാധ്യമങ്ങളോട് പറഞ്ഞു
അമിത് ഗുപ്തയുടെ അമ്മ പറയുന്നത്, തന്റെ മകനെ ഏകദേശം 48 മണിക്കൂർ ഭക്ഷണം നൽകാതെ ഇരുത്തി, പിന്നീട് ഒരു മുറിയിലേക്ക് മാറ്റി, മൂന്ന് മാസത്തോളമായി അവിടെയാണ് താമസിപ്പിച്ചിരിക്കുന്നതെന്ന്. ആഴ്ചയിൽ അഞ്ച് മിനിറ്റ് വീതം അമിത് ഗുപ്തയെ വിളിക്കാറുണ്ടെന്നും, മകനുമായുള്ള അവരുടെ ഏക ബന്ധം അതാണെന്ന് മാതാപിതാക്കൾ പറയുന്നു.
അമിത് ഗുപ്തയുടെ കുടുംബവുമായി ബന്ധപ്പെട്ടിട്ടുണ്ടെന്നും ആവശ്യമായ പിന്തുണ നൽകുന്നുണ്ടെന്നും ടെക് മഹീന്ദ്ര പറഞ്ഞു.
ടെക് മഹീന്ദ്ര ഇരു രാജ്യങ്ങളിലെയും അധികാരികളുമായി ഏകോപിപ്പിച്ച് പ്രവർത്തിക്കുന്നുണ്ടെന്ന് എൻ‌ഡി‌ടി‌വി ഉദ്ധരിച്ച് കമ്പനിയുടെ വക്താവ് പറഞ്ഞു.
"ഞങ്ങൾ കുടുംബവുമായി അടുത്ത ബന്ധം പുലർത്തുന്നു, അവർക്ക് ആവശ്യമായ പിന്തുണ നൽകുന്നു. ഇരു രാജ്യങ്ങളിലെയും അധികാരികളുമായി ഞങ്ങൾ സജീവമായി ഏകോപിപ്പിക്കുകയും ഉചിതമായ നടപടിക്രമങ്ങൾ പാലിക്കുകയും ചെയ്യുന്നു. ഞങ്ങളുടെ സഹപ്രവർത്തകരുടെ ക്ഷേമം ഉറപ്പാക്കുക എന്നതാണ് ഞങ്ങളുടെ മുൻ‌ഗണന," ടെക് മഹീന്ദ്ര വക്താവ് പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.