ഗാസ: ഗാസ മുനമ്പിൽ ഇസ്രായേൽ വ്യോമാക്രമണത്തിൽ 400-ലധികം പലസ്തീൻകാർ കൊല്ലപ്പെട്ടതായി പലസ്തീൻ അധികൃതർ.
പരിക്കേറ്റ 660-ലധികം പലസ്തീൻ ജനത ആശുപത്രികളിൽ എത്തിയിട്ടുണ്ടെന്നും വ്യോമാക്രമണത്തിൽ പരിക്കേറ്റ നിരവധി പേർ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നുണ്ടെന്നും ഗാസ ആരോഗ്യ മന്ത്രാലയം അറിയിച്ചു.
ഹമാസ് നേതാക്കളായ ആഭ്യന്തര മന്ത്രാലയ മേധാവി മഹ്‌മൂദ് അബു വത്ഫയും ആഭ്യന്തര സുരക്ഷാ സേവന ഡയറക്ടര്‍ ജനറല്‍ ബഹ്ജത്ത് അബു സുല്‍ത്താനും ആക്രമണത്തില്‍ കൊല്ലപ്പെട്ടു.
ഗാസയിലെ ഹമാസ് ഭരണകൂടത്തിന്റെ തലവന്‍ ഇസ്സാം അല്‍-ദാലിസ് ഉള്‍പ്പെടെ നിരവധി ഉന്നത ഉദ്യോഗസ്ഥര്‍ ഇസ്രായേലിന്റെ വ്യോമാക്രമണങ്ങളില്‍ കൊല്ലപ്പെട്ടതായി സംഘടന സ്ഥിരീകരിച്ചു. ഇസ്രായേല്‍ വിമാനങ്ങള്‍ നേരിട്ട് ലക്ഷ്യമിട്ടതിനെ തുടര്‍ന്നാണ് ഈ നേതാക്കളും അവരുടെ കുടുംബങ്ങളും രക്തസാക്ഷികളായത്,' ഹമാസ് പ്രസ്താവനയില്‍ പറഞ്ഞു.
വെടിനിർത്തൽ നീട്ടുന്നതിനുള്ള ചർച്ചകളിൽ പുരോഗതിയില്ലാത്തതിനാലാണ് വ്യോമാക്രമണത്തിന് ഉത്തരവിട്ടതെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു അവകാശപ്പെട്ടു. ആക്രമണങ്ങൾ അനന്തമാണെന്നും കൂടുതൽ വ്യാപിക്കുമെന്നും ഉദ്യോഗസ്ഥർ പറഞ്ഞു.
ഹമാസ് ബന്ദികളെ മോചിപ്പിക്കാന്‍ വിസമ്മതിക്കുകയും വെടിനിര്‍ത്തല്‍ നിര്‍ദ്ദേശങ്ങള്‍ നിരസിക്കുകയും ചെയ്തതിനെത്തുടര്‍ന്ന് ഇസ്രായേല്‍ സൈന്യം സൈനിക പ്രവര്‍ത്തനങ്ങള്‍ ശക്തമാക്കുകയായിരുന്നു.
ഹമാസിനെതിരെ 'ശക്തമായ നടപടി' സ്വീകരിക്കാന്‍ സൈന്യത്തിന് നിര്‍ദ്ദേശം നല്‍കിയതായി ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു പറഞ്ഞു. തീവ്രവാദി ഗ്രൂപ്പിനെതിരെ സൈനിക സമ്മര്‍ദ്ദം ശക്തമാക്കുമെന്ന് നെതന്യാഹു വ്യക്തമാക്കി. 'ഇനി മുതല്‍, കൂടുതല്‍ സൈനിക ശക്തിയോടെ ഹമാസിനെതിരെ ഇസ്രായേല്‍ നടപടിയെടുക്കും,' നെതന്യാഹുവിന്റെ ഓഫീസ് പ്രസ്താവനയില്‍ പറഞ്ഞു.
ഡസന്‍ കണക്കിന് ലക്ഷ്യങ്ങള്‍ ആക്രമിക്കപ്പെട്ടതായി ഇസ്രായേല്‍ സൈന്യം പ്രസ്താവിച്ചു. ആവശ്യമെങ്കില്‍ മാത്രമേ കരയുദ്ധം പുനരാരംഭിക്കൂ എന്ന സൂചനയും ഐഡിഎഫ് നല്‍കി.
ഇസ്രയേല്‍ വെടിനിര്‍ത്തല്‍ കരാര്‍ ലംഘിച്ചതോടെ ഗാസയില്‍ അവശേഷിക്കുന്ന 59 ബന്ദികളുടെ വിധി അനിശ്ചിതത്വത്തിലായി. ഒരു യുഎസ് പൗരനടക്കം ഹമാസിന്റെ തടവിലുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.