ദെഹ്റാദൂൺ: സിനിമയുടെ പേരില് നിര്മാതാക്കളായ ദമ്പതിമാര് നാലുകോടി രൂപ തട്ടിയെടുത്തതായി നടിയുടെ പരാതി. നിര്മാതാക്കളായ മന്സി, വരുണ് ബഗ്ല എന്നിവര്ക്കെതിരേയാണ് നടിയും നിര്മാതാവുമായ ആരുഷി നിഷാങ്ക് പരാതിനല്കിയത്.
അഞ്ചുകോടി രൂപ സിനിമയ്ക്കായി നിക്ഷേപിച്ചാല് സിനിമയില് മുഖ്യകഥാപാത്രത്തെ അവതരിപ്പിക്കാനുള്ള അവസരവും 20 ശതമാനം ലാഭവുമായിരുന്നു വാഗ്ദാനം. ലാഭത്തുക മാത്രം ഏകദേശം 15 കോടിയോളം രൂപ വരുമെന്നും ഇവര് നടിയെ വിശ്വസിപ്പിച്ചിരുന്നു. സിനിമയിലെ കഥാപാത്രത്തില് അതൃപ്തിയുണ്ടെങ്കില് മുടക്കിയ പണം 15 ശതമാനം പലിശസഹിതം തിരികെ നല്കാമെന്നും പറഞ്ഞു.
എന്നാല്, നിര്മാതാക്കള് സിനിമയുടെ തിരക്കഥ പോലും അന്തിമമായി തീരുമാനിച്ചിരുന്നില്ലെന്നാണ് ആരുഷിയുടെ ആരോപണം. മാത്രമല്ല, സിനിമയില്നിന്ന് തന്നെ ഒഴിവാക്കിയെന്നും തന്റെ കഥാപാത്രം മറ്റൊരു നടിക്ക് നല്കിയെന്നും ആരുഷി ആരോപിച്ചു.
ആരുഷിയുടെ പരാതിയില് വഞ്ചനാക്കുറ്റം ഉള്പ്പെടെ ചുമത്തി കേസെടുത്തതായി ദെഹ്റാദൂണ് സിറ്റി എസ്.പി. പ്രമോദ് കുമാര് അറിയിച്ചു. പ്രതികളും പരാതിക്കാരിയും ഒപ്പുവെച്ച ധാരണാപത്രം ഉള്പ്പെടെ പരിശോധിച്ചുവരികയാണെന്നും കേസില് അന്വേഷണം തുടരുകയാണെന്നും അദ്ദേഹം പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.