തിരുവനന്തപുരം: മോട്ടോര്‍ വാഹന വകുപ്പിന് കീഴിലുള്ള എല്ലാ സേവനങ്ങളും മാര്‍ച്ച് ഒന്ന് മുതല്‍ ആധാര്‍ മുഖേനയാക്കാന്‍ തീരുമാനം. ഇതിന് മുന്നോടിയായി വാഹന ഉടമകള്‍ ആധാറുമായി ലിങ്ക് ചെയ്ത മൊബൈല്‍ നമ്പര്‍ പരിവാഹന്‍ പോര്‍ട്ടലില്‍ ഉള്‍പ്പെടുത്തണമെന്ന് ഗതാഗത കമീഷണര്‍ നിര്‍ദേശം നല്‍കി.
ഇ-സേവ കേന്ദ്രങ്ങള്‍, അക്ഷയ കേന്ദ്രങ്ങള്‍ എന്നിവ വഴി മൊബൈല്‍ നമ്പര്‍ പരിവാഹനില്‍ അപ്‌ഡേറ്റ് ചെയ്യാന്‍ സാധിക്കും. ഫെബ്രുവരി 1 മുതല്‍ 28 വരെയാണ് അപ്‌ഡേറ്റ് ചെയ്യാന്‍ അവസരം. ആര്‍ ടി ഒജോയന്റ് ആര്‍ടിഒ ഓഫിസുകളില്‍ പ്രത്യേക കൗണ്ടറുകളും അപ്‌ഡേറ്റുകള്‍ ചെയ്യുന്നതിനായി തയ്യാറാക്കിയിട്ടുണ്ട്. വാഹന ഉടമസ്ഥാവകാശ കൈമാറ്റം, പെര്‍മിറ്റ് സേവനങ്ങള്‍, ഫിനാന്‍സ് സേവനങ്ങള്‍ തുടങ്ങിയവ നേരത്തെ ആധാര്‍ അധിഷ്ഠിതമാക്കിയിരുന്നു.
ആധാര്‍ നമ്പറിന് പുറമെ, ബദല്‍ സൗകര്യമെന്ന നിലയില്‍ മൊബൈല്‍ നമ്പര്‍ കൂടി നല്‍കി ഒടിപി സ്വീകരിച്ച് ഓണ്‍ലൈന്‍ നടപടി പൂര്‍ത്തിയാക്കാനുള്ള സൗകര്യം അന്നുണ്ടായിരുന്നു.ആധാര്‍ നല്‍കിയാല്‍ ആധാര്‍ ലിങ്ക് ചെയ്ത നമ്പറിലേക്കും മൊബൈല്‍ ഫോണ്‍ നല്‍കിയാല്‍ ആ നമ്പറിലേക്കും ഒടിപി എത്തുമായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.