ബസ് കാത്തുനിൽക്കുകയായിരുന്ന സ്ത്രീകൾക്കിടയിലേയ്ക്ക് കാർ ഇടിച്ചു കയറി 8 പേർക്കു പരിക്ക്;

പാലക്കാട്: വടക്കഞ്ചേരിക്കു സമീപം കണ്ണമ്പ്ര പൂത്തറയിൽ സ്ത്രീ തൊഴിലാളികളുടെ ഇടയിലേക്കു കാർ ഇടിച്ചു കയറി 8 പേർക്കു പരിക്ക്. വീടിന്റെ നിർമാണ പ്രവർത്തി കഴിഞ്ഞു മടങ്ങിയ സ്ത്രീ തൊഴിലാളികൾക്കിടയിേലക്കാണു കാർ പാഞ്ഞു കയറിയത്.

ഗുരുതരമായി പരുക്കേറ്റ മൂന്ന് പേരെ തൃശൂർ മെ‍ഡിക്കൽ കോളജിലും മറ്റുള്ളവരെ പാലക്കാട് ജില്ലാ ആശുപത്രിയിലും പ്രവേശിപ്പിച്ചു. മഞ്ഞപ്രയിലെ ജോലിക്കു ശേഷം പുളിങ്കൂട്ടം റോഡിൽ ബസ് കാത്തുനിൽക്കുകയായിരുന്നു സ്ത്രീകൾ.

സംഭവത്തിൽ കാറോടിച്ച ആളെയും അപകടം ഉണ്ടാക്കിയ കാറും വടക്കഞ്ചേരി പൊലീസ് കസ്റ്റഡിയിൽ എടുത്തിട്ടുണ്ട്. ആലത്തൂർ സ്വദേശിയാണ് കാർ ഓടിച്ചിരുന്നതെന്നു പൊലീസ് പറഞ്ഞു.

 പരുക്കേറ്റവരെ നാട്ടുകാരുടെ നേതൃത്വത്തിലാണ് ആശുപത്രിയിലേക്ക് മാറ്റിയത്.