മദ്യപാനത്തിന് ഇടയിൽ തർക്കം; തൃപ്പൂണിത്തുറയിൽ യുവാവിനെ കൊലപ്പെടുത്തി;

കൊച്ചി: തൃപ്പൂണിത്തുറ എരൂരിൽ യുവാവിനെ കൊല്ലപ്പെട്ട നിലയിൽ കണ്ടെത്തി. എരൂര്‍ പെരീക്കാട് സനൽ (തമ്പി–43) ആണ് മരിച്ചത്.

മദ്യപാനത്തിന് ഇടയിലുണ്ടായ തർക്കം മൂലമാണ് കൊലപാതകമെന്നാണ് പ്രാഥമിക നിഗമനം. സംഭവത്തില്‍ സനലിന്റെ സുഹൃത്തുക്കളിലൊരാളെ കസ്റ്റഡിയിലെടുത്തു. ഒരാള്‍ ഒളിവിലാണ്.

ഇന്നു പുലർച്ചെ 2 മണിയോടെ സ്ഥലത്ത് സംഘർഷം നടക്കുന്നെന്ന വിവരത്തിന്റെ അടിസ്ഥാനത്തിൽ എത്തിയ പൊലീസാണ് സനലിന്റെ മൃതദേഹം കണ്ടെത്തിയത്.

മുഖം മുഴുവൻ ചെളി നിറഞ്ഞ നിലയിലായിരുന്നു. തോട്ടിൽ ചവിട്ടി താഴ്ത്തിയത് ആണോ എന്ന് സംശയമുണ്ടെന്ന് പൊലീസ് വൃത്തങ്ങൾ പറഞ്ഞു.