രാത്രിയുടെ മറവിൽ ജെസി ഡാനിയേൽ പ്രതിമ തകർക്കാൻ ശ്രമം;

നെയ്യാറ്റിൻകര: ജെസി ഡാനിയേൽ പ്രതിമ തകർക്കാൻ ശ്രമം. രാത്രിയുടെ മറവിൽ ആണ് പ്രതിമ തകർക്കാൻ ശ്രമിച്ചിരിക്കുന്നത്. നെയ്യാറ്റിൻകര നഗരസഭ സ്റ്റേഡിയത്തിൽ നഗരസഭയുടെ നേതൃത്വത്തിൽ മൂന്ന് വർഷം മുമ്പ് സ്ഥാപിച്ച ഡാനിയൽ സ്മാരകത്തിൽ സ്ഥാപിച്ചിരുന്ന ഫിലിം ആണ് സാമൂഹ്യ വിരുദ്ധർ തകർത്തത്.

രാവിലെ ഗ്രൗണ്ടിൽ എത്തിയവരാണ് തകർത്തിരിക്കുന്നത് ആദ്യം കണ്ടത് .  രാത്രിയുടെ മറവിൽ സമീപത്തെ ലൈറ്റുകളും,സിനിമാഫിലിമും കേടുവരുത്തിയിട്ടുണ്ട്.

നെയ്യാറ്റിൻകര പോലീസ് എത്തി കൂടുതൽ കാര്യങ്ങൾ അന്വേഷിച്ചു വരുന്നു.അക്രമികളെ ഉടൻ കണ്ടെത്തുമെന്ന് പോലീസ് പറയുന്നു. ജെസി ഡാനിയേൽ മലയാളത്തിലെ ആദ്യത്തെ നിശ്ശബ്ദ ചലച്ചിത്രമായ വിഗതകുമാരന്റെ നിർമാതാവും സംവിധായകനുമായിരുന്നു. 

മലയാള സിനിമയുടെ പിതാവ് എന്നാണ് ഇദ്ദേഹം അറിയപ്പെടുന്നത്. ഡാനിയലിൻ്റെ പേരിലെ കേരളത്തിലെ ആദ്യ സ്മരകമാണ് നെയ്യാറ്റിൻകരയിൽ സ്ഥാപിതമായതും .

ഇത്തത്തിൽ അഭിമാനമായ ഡാനിയൽ സ്മാരകത്തിന് അനാധരവ് കാണിക്കുന്നവർക്കെതിരെ ശക്തമായ നിയമ നടപടികൾ സ്വീകരിക്കുമെന്നും നഗരസഭ ചെയർമാൻ പി.കെ രാജ് മോഹൻ പറഞ്ഞു.