മേയർ സ്ഥാനം പങ്കിടുന്നതിനെ ചൊല്ലിയുള്ള ധാരണ സിപിഎം പാലിച്ചില്ല; കോർപറേഷൻ ഡപ്യൂട്ടി മേയർ സ്ഥാനം സിപിഐ ഉപേക്ഷിച്ചു

കൊല്ലം: മേയർ സ്ഥാനം പങ്കിടുന്നതിനെ ചൊല്ലിയുള്ള ധാരണ സിപിഎം പാലിക്കാത്തതിനു പിന്നാലെ എൽഡിഎഫിൽ പൊട്ടിത്തെറി. കോർപറേഷൻ ഡപ്യൂട്ടി മേയർ സ്ഥാനം സിപിഐ ഉപേക്ഷിച്ചു.

ഇന്ന് പ്രസന്ന ഏണസ്റ്റ് മേയർ സ്ഥാനം രാജിവയ്ക്കുമെന്ന് പ്രതീക്ഷിച്ചിരുന്നെങ്കിലും അതുണ്ടായില്ല. ഇതിനു പിന്നാലെയാണ് സിപിഐ നേതാവ് കൊല്ലം മധു ഡപ്യൂട്ടി മേയർ പദവി രാജിവച്ചത്.

രണ്ട് സ്റ്റാൻഡിങ് കമ്മിറ്റി ചെയ‍ർപഴ്‌സൻ സ്ഥാനവും സിപിഐ രാജിവച്ചു. വിദ്യാഭ്യാസ സ്റ്റാൻഡിങ് കമ്മിറ്റി ചെയർപഴ്സൻ സവിത ദേവി,

പൊതുമരാമത്ത് സ്റ്റാൻഡിങ് കമ്മിറ്റി അധ്യക്ഷൻ സജീവ് സോമൻ എന്നിവരാണ് മധുവിനൊപ്പം രാജിവച്ചത്.