ദില്ലി: സംസ്ഥാന കോണ്ഗ്രസിലെ പ്രതിസന്ധിയില് നിർണായക ഇടപെടലുമായി ഹൈക്കമാൻഡ്. പ്രധാന നേതാക്കളെ ദില്ലിക്ക് വിളിപ്പിച്ചിട്ടുണ്ട്.
കെപിസിസി അധ്യക്ഷനും പ്രതിപക്ഷ നേതാവുമടക്കം വെളളിയാഴ്ചത്തെ യോഗത്തില് പങ്കെടുക്കും. തരൂർ വിവാദവും പുനസംഘടനയും സംഘടനാ പ്രശ്നങ്ങളും ചർച്ചയാകും. അതേസമയം, അനുനയനീക്കവുമായി ശശി തരൂരിനെ കെപിസിസി അധ്യക്ഷൻ കെ സുധാകരൻ വിളിച്ചിരുന്നു. അവഗണനയില് അതൃപ്തി പ്രകടിപ്പിച്ച തരൂരിനോട് പരാതികള് ചര്ച്ച ചെയ്യാമെന്ന് അറിയിച്ചതായാണ് വിവരം. നോ കമന്റ്സ് പ്രതികരണം പ്രതിപക്ഷ നേതാവ് ആവര്ത്തിച്ചു. തരൂരിന് വീഴ്ച പറ്റിയെന്ന് ആര്എസ്എപി വിമര്ശിച്ചു.മുഖ്യമന്ത്രി സ്ഥാനാര്ത്ഥിയാക്കണമെന്ന് പരസ്യമായി ആവശ്യപ്പെട്ടതില് സംസ്ഥാന കോണ്ഗ്രസില് ഒന്നടങ്കം അമര്ഷമുളളതിനിടെയാണ് കെപിസിസി അധ്യക്ഷൻ ശശി തരൂരിനെ വിളിച്ചത്. എടുത്ത് ചാടി പ്രതികരിക്കുതെന്ന് തരൂരിനോട് സുധാകരൻ ആവശ്യപ്പെട്ടു.
കോണ്ഗ്രസ് തിരിച്ചു വരവിന്റെ പാതയിലാണ്. ഇതിനിടയടിലുണ്ടാകുന്ന ഇത്തരം വിവാദങ്ങള് തരൂരിന്റെ പൊതു സമ്മതിക്ക് തന്നെ ദോഷം ചെയ്യും.
പാര്ട്ടിക്കെതിരെ പറഞ്ഞാല് അണികള് ഉള്ക്കൊള്ളില്ല. തരൂരിനെ ഒപ്പം നിര്ത്തണമെന്ന് അഭിപ്രായമുള്ള സുധാകരൻ പരാതികള് പരിഗണിക്കാമെന്ന് തരൂരിനെ അറിയിച്ചെന്നാണ് വിവരം. അതേസമയം, നോ കമന്റസ് പ്രതികരണം പ്രതിപക്ഷ നേതാവ് ആവര്ത്തിച്ചു. ഐക്യാഹ്വാനവുമായി രമേശ് ചെന്നിത്തലയും ഗൗരവമുള്ള വിഷയമല്ലെന്ന് പറഞ്ഞ് കെ മുരളീധരനും വിവാദത്തെ അവഗണിച്ചു. തന്നെ ഉയര്ത്തിക്കാട്ടണമെന്ന് അഭിപ്രായം ഘടകക്ഷികള്ക്കുമുണ്ടെന്ന് തരൂര് പറയുമ്പോഴാണ് വിവാദ പ്രസ്താവനകളെ ആര്എസ്പി വിമര്ശിക്കുന്നത്.
തരൂരിനെ പറഞ്ഞു വിടരുതെന്ന് അഭിപ്രായമുള്ള കോണ്ഗ്രസ് നേതാക്കളും അദ്ദേഹത്തെ മുഖ്യമന്ത്രി സ്ഥാനാര്ഥിയാക്കണമമെന്ന് പറയുന്നില്ല. ദേശീയ തലത്തില് കൂടുതല് റോള് കൊടുക്കണമെന്ന് മാത്രമാണ് അവരുടെയും പക്ഷം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.