ഇന്ന് ശാസ്ത്രദിനം, രാമൻ പ്രഭാവം: ശാസ്ത്ര ലോകത്തെ ഭാരതീയ അഭിമാനം

ഫിസിക്‌സിൽ ഇന്ത്യക്ക് ആഗോളമാന്യമായ അംഗീകാരം നേടിക്കൊടുത്ത പ്രധാനമായ ഒരു കണ്ടെത്തൽ ആണ് രാമൻ പ്രഭാവം

(Raman Effect) . 1928 ഫെബ്രുവരി 28-നാണ് ഇന്ത്യൻ ശാസ്ത്രജ്ഞൻ സർ ചന്ദ്രശേഖര വെങ്കട രാമൻ (C. V. Raman) ഈ അതുല്യമായ ശാസ്ത്രീയ സിദ്ധാന്തം ലോകത്തിന് മുന്നിൽ അവതരിപ്പിച്ചത്. അതിന്റെ സ്മരണാർത്ഥം ഫെബ്രുവരി 28-നാണ് ഇന്ത്യയിൽ ദേശീയ ശാസ്ത്ര ദിനം ആചരിക്കുന്നത്.

രാമൻ പ്രഭാവം (Raman Effect )

ഭാരതീയ ഭൗതികശാസ്ത്രജ്ഞനായ സി. വി രാമൻ കണ്ടുപിടിച്ച പ്രകാശ പ്രതിഭാസമാണ് രാമൻ പ്രഭാവം. 1928 ഫെബ്രുവരി 28-നാണ് അദ്ദേഹം ഈ പ്രതിഭാസം ലോകത്തിന് മുന്നിൽ അവതരിപ്പിച്ചത്.

രാമൻ പ്രഭാവം

   ഒരു പദാർത്ഥത്തിലൂടെ പ്രകാശം കടന്നുപോകുമ്പോൾ, പ്രകാശത്തിന്റെ തരംഗദൈർഘ്യത്തിൽ മാറ്റം സംഭവിക്കുന്ന പ്രതിഭാസമാണിത്. ഈ പ്രതിഭാസം പദാർത്ഥങ്ങളുടെ തന്മാത്രാ ഘടനയെക്കുറിച്ച് പഠിക്കാൻ  സഹായിക്കുന്നു. രാമൻ സ്പെക്ട്രോസ്കോപ്പി പോലുള്ള സാങ്കേതിക വിദ്യകളിൽ ഇത് ഉപയോഗിക്കുന്നു.

സി. വി. രാമൻ ന്റെ ജീവിത പശ്ചാത്തലം

 1888-ൽ തമിഴ്നാട്ടിലെ തിരുച്ചിറപ്പള്ളിയിലാണ് സി. വി. രാമൻ ജനിച്ചത്. ബാല്യകാലം മുതൽ ശാസ്ത്രത്തിലും ഗണിതശാസ്ത്രത്തിലും അതികക്ഷമത കാട്ടിയ അദ്ദേഹം, പ്രസിഡൻസി കോളേജിൽ പഠനം പൂർത്തിയാക്കി.

ഭൗതികശാസ്ത്രത്തിന്റെ ഗാധമായ അവബോധവും പുതിയ പരീക്ഷണങ്ങളോടുള്ള താൽപ്പര്യവും അദ്ദേഹത്തെ നവീന സിദ്ധാന്തങ്ങൾ തേടിയുള്ള യാത്രയിലേയ്ക്കു നയിച്ചു.

രാമൻ പ്രഭാവം കണ്ടുപിടിച്ചത് 1928 ഫെബ്രുവരി 28-നാണ്.

 ഈകണ്ടുപിടിത്തത്തിന് 1930-ൽ സി. വി. രാമന് നോബൽ സമ്മാനം ലഭിച്ചിരുന്നു .രാമൻ പ്രഭാവം പദാർത്ഥങ്ങളുടെ തന്മാത്രാ ഘടനയെക്കുറിച്ച് പഠിക്കാൻ സഹായിക്കുന്ന ഒന്നാണ്. ഈ കണ്ടുപിടുത്തത്തിന്റെ ഓർമ്മക്കായിട്ടാണ് ഫെബ്രുവരി 28 ദേശീയ ശാസ്ത്ര ദിനമായി ആചരിക്കുന്നത് 

ശാസ്ത്രം അറിവിന്റെ വെളിച്ചമാണ്; അതിന്റെ വഴികളിലൂടെ നാം മുന്നോട്ട് പോകണം!" എന്ന സന്ദേശമാണ് സി. വി. രാമൻ നമുക്കൊരുക്കുന്നത്. രാമൻ പ്രഭാവം ഇന്ത്യയുടെ ശാസ്ത്രജനിതമായ കഴിവിനും ഗവേഷണപരമായ വിപ്ലവത്തിനും ഉള്ള തെളിവാണ്.

ഭാവി തലമുറക്ക് ശാസ്ത്രത്തിൽ കൂടുതൽ താല്പര്യം ജനിപ്പിക്കാനും പുതിയ കണ്ടുപിടിത്തങ്ങൾ ഉണർത്താനും ദേശീയ ശാസ്ത്ര ദിനം ഒരു പ്രചോദനം ആയി മാറുന്നു.