കടുവാപ്പേടിയിൽ ജനങ്ങൾ:പഞ്ചാരക്കൊല്ലിയില്‍ ലയത്തിന് പിന്നാമ്പുറത്ത് സ്ഥിരമായി കടുവ; ജോലിക്ക് പോവാൻ ഭയന്ന് നാട്ടുകാര്‍,

കല്‍പ്പറ്റ: കടുവാപ്പേടിയില്‍ വയനാട്ടിലെ എസ്റ്റേറ്റ് മേഖല തോട്ടത്തിലിറങ്ങാൻ ഭയന്ന് തൊഴിലാളികള്‍. കടുവായെ കാണുന്നത് പതിവെന്ന് തൊഴിലാളികള്‍ പറയുന്നു.

വയനാട്ടില്‍ പഞ്ചാരക്കൊല്ലിയില്‍ രാധയെ കടുവ കടിച്ചുകൊന്ന ശേഷം പുലർച്ചെ ജോലിക്ക് പോവാനും കുട്ടികളെ പുറത്തുവിടാനും ഭയന്നിരിക്കുകയാണ് വയനാട്ടുകാർ. 

പഞ്ചാരക്കൊല്ലിയില്‍ ലയത്തിന് പിന്നാമ്പുറത്ത് സ്ഥിരമായി കടുവയെത്തുന്നുവെന്നാണ് നാട്ടുകാർ പറയുന്നത്. രാത്രിയില്‍ പുറത്തിറങ്ങാൻ ഭയമാണെന്ന് തൊഴിലാളികള്‍ പറയുന്നു. കുട്ടികളെ ലയത്തിന് പുറത്ത് വിടാനും പേടിയിലാണ് വയനാട്ടുകാർ. പുലർച്ചെ ജോലിക്കിറങ്ങുന്നത് നിർത്തിയെന്ന് തൊഴിലാളികള്‍ പറയുന്നു.

നേരം പുല‍ർന്നശേഷമാണ് പലരും ജോലി തുടങ്ങുന്നത്. ജീവനില്‍ ഭയമാണെന്നും എസ്റ്റേറ്റ് തൊഴിലാളികള്‍ പറയുന്നു.